Malaysia ah a kan thih takmi Pi Ngun Sung (Nu Sung) – 34 (Van Biak nu) Lawngtlang a ruak cu Rangon khuapi tlung tein an phak pi

Malaysia ah a kan thih takmi Pi Ngun Sung (Nu Sung) – 34 (Van Biak nu) Lawngtlang a ruak cu Rangon khuapi tlung tein an phak pi lawng si lo in nihin 22 December 2022 chun 12:00Noon khan in Rangon in Laitlai lei ah an rak kai pi cang.

A ruak hi a chuah semnak Lawngtlang khua ah tlun pi ding in an rak kai pi hi a si.
Pi Ngun Sung hi fa 4 ngeimi a si i, a va cu Pu Tha Cung a si.
Hakha khua i Zophei Baptist Church nih ngaih kan chiat pi hna i. 23 December 2022 zing 11:00AM – 12:00Noon ah Rev Dr Lian Do Kham te inn in pumhpi nak caan kan rak hman piak hna lai.Crd-Zophei Christian Fellowship-Malaysia

A Ceubik Mi Arfi Lawmhnak Tling Petu A Si.Matthai 2:10 Arfi an hmuh tthan caah cun an i lawmtuk hring hran.

Biakamhlun kan rel tikah Jesuh Khrih chuah lainak kong Profet nih an chimmi hi kan hmuh lengmang. Isaiah nih cu David ciruang hi haumi thingkung bantuk a si ti hna ah a kan chimh. Mikah zong nih Bethlehem ah Judah siangpahrang a chuah lainak kong a kan chimh. Judah siangpahrang cu Pathian chiti toihmi a si lai, a mi kha luatnak a pek hna lai ti bantuk zong kha tampi a chim. Judah mi caah ruahchannak a si.

Jesuh Khrih kha Bethehem ah a chuah taktak nak kong hi kan rel tik ah Nichuah lei mifim pathum hna nih an kawl nak kong hna kan hmuh. An nih hi Judahmi an si lo. Mifim pathum hna hi anmah nih an theih khawhmi holh in Pathian nih an sinah a phuang ve. Arfi nih Judah siangpahrang a chuahnak kong a chimh hna. Arfi nih mifim hna kha siangpahrang thar a chuak ti kha a chimh hna.

Mifim pathum hna duh an nunnak hi siangpahrang thar an kawlnak ah hin bat hngalh dawh an si lo. Arfi cu chun ah hmuh khawh a si lo. Zan lawng ah kan hmuh khawhmi a si. Zan paoh ah arfi zoh in kal hna seh law a dawh ngai. Chun paoh ahcun i din in zan lawng ah an lam hi peh hna seh law a lo. Arfi zulh in an kal caah a si.

Mifim pathum hna nih Pathian phunnak an hmuh tik ah an i lawmtuk. Arfi an hmuh tthan caah cun an i lawmtuk hring hran. Pathian phuannak a hmuh tik ah a ttih tuk i a dangdihmi kha na cing ti maw? Daniel cauk chung ah kan rel kha. Belshazzar nih rawl danghnak a tuah zan ah vamping cung catial a hmuh ah khan a dang dih. Mifim pathum hna hi cu Pathian phuannak, arfi an hmuh tikah an i lawmtuk hringhran.

Mifim hna hi arfi zoh an thim. Arfi he bia a ruah kho mi an si. Arfi nih a thawng ngei loin an lungchung ah bia a chimh hna. Lunglawmhnak in an khat. Pathian phuannak hi a hmu thiammi hna caah cun nifa kan nunnak ah a lang ko. Pathian phuannak nih hin lawmhnak a kan pek zungzal ko lai.

Mifim hna cu arfi an zoh tikah an i lawmtuk hringhran. Kan nih hi teh, Pathian dawtnak a nganmi le a vel a liannganmi kan tin co mi ah hin kan i lawm kho ve tawn maw? Kan nunnak ah a liam in a liammi a vel, a kan kil vennak a bantthawng hna hi kan i hnangampi in kan i lawm khao ve maw? Pathian nih vawlei a dawt i a fapa ngeihchun te a kan pekmi laksawng hi kan mah caah kan ruat taktak maw? Kan ting co ve cang maw? Lawmhnak in kan khat kho ve maw ti hi ruah ding kan herh.Bil Hmung

Be the first to comment

Leave a Reply

Your email address will not be published.


*