Mail box check fel ding: $125 le $200 Indiana State bawmhnak mail in kuat hram an thok.

1. Bank ah bawmhnak a lut lo mi check in mail ah kuat a si cang.

2. $125( $250 nu le va) le $200 ($400 nu le va) kha voi khat in an in kuat hna lai. $350 or $650 ( nu le va) tiin Check 1 in a tla lai.

2. Tukum Tax return na tuah lio ah state tax a liam mi na si ahcun bawmhnak kha na bank ah an lut ter lai lo. Check tu in an van kuat lai. Siaherhnak he, Crd-hlawntaxservice

Ngakchia Thlacam Leh Asi
Khuate pakhat ah chungkhar an um. Ramchung ral a si caah an pa cu ralkap a lut. A rauh hlan ah innngeitu a rak ra i inn man a hun hal hna. Ngakchia a nu nih cun kan pa cu ralram ah a kal caah pek awk phaisa kan ngei rih lo tiah a nawl, mipa nih nan ka pek khawh lo ahcun ka inn in nan chuah a hau a ti.

A kal hnu ah ngakchianu anu cu ṭhudenh ah a thu i fakpi in a ṭap. Ngakchianu cu Pathian sinah thlacam an rak cawnpiak tawnmi a si. A nu sinah a rak ra i, “zeicadah na ṭah ka nu ? Thla kan cam lai i Bawipa nih inn a kan pe kho hnga lo maw?,” a ti. Anu cu zeibia hmanh a chim kho lo.

Ngakchianu cu a kal i inn khan chungah thla a cam, innka a khar lo caah a thlacam cu a nu nih a theih dih. “Bawipa Pathian kapa cu lam hla pi ah a kal, ka nu cu atu phaisa hmuhnak a ngei lo, inn ngeitu nih inn man kan pek khawh lo ahcun a kan thawl cang lai. Inn ka hram ah thut kan hau lai, ka nu cu a khua a sik tuk lai. Inn fate kan pe ko,” a ti. Cun caan tlawmpal a hngah, cun a peh ṭhanmi cu, “Kan zaangfah ko Bawipa,” a ti.

Cun Pathian nih inn cu a kan pek ko lai tiah ruahchannak he lunglawm tak in a rak chuak. Anu cu a rak ngam cang. Cuni thawk in anu nih inn man a pe ti lo. Ngakchia nu i a thlacamnak kha Pathian nih a ngaih i inn ngeitu thinlung a va tongh caah a si.

Moody’s Anecdotes and Illustrations“Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko.”(Matt. 19: 26)Mah Azi

Be the first to comment

Leave a Reply

Your email address will not be published.


*