Mah T.Shirt hi Mirang company pakhat ah ka design mi asi i a cawtu an um ah khin company neitu nih ka design man 20% le a hlawkmi chung in 20% khi an ka coter ve tawn

Mah T.Shirt hi Mirang company pakhat ah ka design mi asi i a cawtu an um ah khin company neitu nih ka design man 20% le a hlawkmi chung in 20% khi an ka coter ve tawn. Anih nih thilri a tum i Kei nih idea le can pek in ka hei suai tikah Ka idea le ka can man a ka tuah piak. Kan hlawk veve.

Minung cu chim lo minung saram thing thei rampar hna tiang khin a hngetchan ciomi (interdependent) kan si hna i a dawh a thami pehtleihnak(Fair relationship) he kan kal ti tikah kan i bawmh cio lawng si loin khat le khat upat hmaizah sunhloih kan ipek cio asi i a ho hman sung lo te le fahnak um lo tein kan nung kho cio ti asi.

Kut them thiam, hlasa thiam, suai thiam, chim thiam, chawlet thiam, sak thiam, ruahnak chuah thiam tiin zei zong za pahrang cio khi thancho ter ding in tuah cio mi cu a tuahtu le a hmangtu (consumers) kan si dih than cio

I upat, I sunhloih, le idawt arak si. Cu hlan ahcun kan ram a that lo ruangah Chin Mi nih ruahnak (Idea), them thiam nak le cawnmi le chuahpi mi idea Tha Tha kan rak ngei ko nain Tlang chuak lak in kan rak kalpi kho lo.

Bawipa dawtnak thawng in Atu cu Vulei hi kan ram asi dih ve cang i chunmang(vision), ruahnak (creative idea) tampi sersiam khawhnak hmun kan phan ve cang. Thancho hram kan i thok cang caah kan nunnak nih a herhmi zei thil poh hi idea chuahtu(Dreamers) a suaisamtu ( designers), a sersiamtu (producers/industries), zuartu(business) le hmangtu (consumers) tiin khat le khat a hngetchan (interdependent) kan si dih fawn.

I sunh loih upat le dawtnak he i bawmhchanh cio nak nih zapi caah tangkai nak hlawknak le thanchonak a chuahpi. Best interpersonal relationship in communication timi khat le khat pehtleihnak dawh le tha a um cio tikah cucu dawtnak le thanchonak timi cu a asi ko.

Ho hmanh mah lawng in kan nung kho lo. Kan thangcho kho lo. Midang kan herh hna i midang nih herhmi a herhmi kan si dih hna. Dawtnak(Love) upatnak (respect) le isunhloihnak (Apreciation) hi pathum hna hi mi Zei poh nih duh dihmi le herh dihmi asi fawn.

A lam Kip in kan Miphun thang chin ko seh.Crd-Sui Chin