MAH Nih A Pennak Hmun Zungzal Awk Ah Aa Ngeih Mi Simankin Pathum

MAH Nih A Pennak Hmun Zungzal Awk Ah Aa Ngeih Mi Simankin Pathum (Part 6)Chansau Ukpennak Lamthluan Dothnihnak (c)

NCA (Nationwide Ceasefire) kum 6th tlinnak Puai (2021 October 15) voi 6nk ah MAH nih a chimh hi hngalh a herh. Phungning loin, mipi sin in an kan chut mi a pennak cu 2023 thimhnak in phung lut awk ah aa zuam nak kha thuh riangmang in, biatlang 7 in, NCA kum 6nk tlinnak ah a chim. A saduhthah kha thup in aa silhnalh. Tang lei ah MAH biachimh mi 7 hi I ruah tuah usih.

Rallokap nih Rampi cozah แนญuanvo kan lak ni in, a tu tiang Rampi Dindaihnak caah fak pi in aa zuam zungzal. Pyidaungsu Hlutdaw ah biachah in fek ter mi Rampi daihnak dah ti lo cun, Rampi daihnak ah siseh, a dang kong ah siseh, Rallokap nih tuahแนญuan khawh le hmalak khawh asi dih ko.

NCA Kum 6th tlinnak Puai ah Rallokap Federal Model cu MAH nih tanglei bantukin a langh ter. Amyotha le Pyithuh Hlutdaw hna Upadi siamnak nawl kha kan remh lai I, a dang tein kan แนญhen hna ahcun, Tlangcungmi duhmi Federal le covo hi hmuh khawh asi. Tlangcungmi duh mi Federal le Tlukruannak caah Amyotha Hlutdaw le Pyidaungsu Hlutdaw nawlngeih nak hi remh a herh. Tlangcungmi tampi umnak Amyotha hi nawlngeih nak pek ding ti hi MAH I a duhnak cu asi.

Pyithuh Hlutdaw zong ah Tlangcung mi Palai tam deuh khawh nak hnga, lam kan siam awk asi. Cuti si khawh nak ding ahcun: PR Mumal le dundan tluk in lampi a แนญha mi an um ti lo. Tlangcungmi Federal Model cu Mah tein Khuakhan Lairelnak le Tlukruannak asi. State (Ramkulh / Pine) ah nawlngeihnak pek ding asi, zeizong te cu Ramkulh in aa thawk lai I, Bahu cu Palai aa zat mi kan thlah cio lai ti hi asi. Rallokap Model cu PR asi ti khawh asi.

MAH ruahnak le Saduhthah mi hlawhtlin ter awk ah EAOs phu 10 he biaruahnak cu Lt. General Yapyit hohak nakin an tuah lio asi. Cunglei ah kan langhter mi MAH biachimh mi vialte cu Pu Yapyit le EAOs phu 10 nih tawn biaruahnak in an hlawhtlin ter cuahmah lio asi.

2008 phunghrampi chung um Upadi remchunh awk ah khawmsuat mi cazin (1) le (2) hna cu remh awk ah hnatlaknak an ngeih cang. Rallokap News Paper ah an pho cang. Tlangcungmi Federal Model ning in Upadi remh loin, Rallokap Federal Model ningin Upadi an remh lai ti belte CHINMI nih kan hngalh a herh ve.

Rallokap nih 2008 Phunghrampi Upadi remh awk ah khawmsuat mi cazin hna thlen nawn nak in Ramkulh le Bahu nawlngeihnak I phawt ding timi Mumal le Policy in Federal ram dirh aa timh. Tlangcungmi le EAOs duhmi Federal cu Ramkulh ah nawlngeihnak pek dih ti kha asi. Rallokap Federal Model he aa dan tuk mi asi.

SSA / SSPP le MAH tawnnak ah an hal mi cu: Panglong Biakamnak le 1961 Taunggyi Conference biachahmi vialte hlawhtlin ter awk ah le. Ramkulh 8 mumal kha an hal mi asi. Kawl miphun Ramkulh dirh ve awk ah an hal. Rallokap Federal Lamthluan ah aum bak lomi kha SSA / SSPP nih an hal hram mi asi.

MAH le Rallokap nih an tuah khawh lo ti hngalh buin Nipidaw ah an kal, MAH he hman an I thlak, tbk an tuahto mi vialte hi anmah pumpak sipuazi caah asi. Ramkhel in MAH le SSA / SSPP cu an I hlen ve ve tinak asi. Pu Vom le Phete bang aa hlen khawh deuh mi nih ei zungzal timi tuanbia kha an hluan. Ram le miphun damnak caah asi lo.

Fainternak: Part 1- Part10 asilai. Rel rak i zuam ve. Part 10 a dih in Email in PDF in kuat khawh na si. Ka sian ko Man lo tein. Crd.Joseph R. Thanh

Be the first to comment

Leave a Reply

Your email address will not be published.


*