Mah hmanthlak hi nganpi in kan sianginn library chungah an taar. Minak nu khi Mary an ti i naute cu Bawi Jesuh tinak a si ko lai.

Mah hmanthlak hi nganpi in kan sianginn library chungah an taar. Minak nu khi Mary an ti i naute cu Bawi Jesuh tinak a si ko lai. Asia lei le miphun dangdang khrihfa mitthlam ah a cuang ttheumi cu Mary cu mirang nu tiin le Bawi Jesuh cu mirang pa tiin kan ruah pengmi hi a si.

Tuluk Khrihfa pawl nih Bawi Jesuh cu Tuluk muisam in an suai ve ti si. Laimi zong nih Bawi Jesuh cu Laipa muisam in kan suai I Mary zong Lainu muisam he a lo in kan suai ve awk a si ko. Mah cu contextual theology a si. Naite ah Tidim pawl nih Bawi Jesuh cu anmah Tidim thilpuan an aihter i Lai media tampi zong nih nan i share ve. Mah hi bantuk ruahnak hi theologian tampi nih cun an uar ngaimi a si. Sual a si lo i Bawi Jesuh zeirel lo zong a si fawn lo.

Mah nak cun Bawi Jesuh hi Nitin kan nunnak le kan nunphung ahhin rian a tuan i a cawlcaang peng ve ko timi kha a sawh duhdeuh mi cu a si. Kan sin te ahhin a um peng ve ko tinak a si. Kan tuarnak vialte a kan hrawmpi I a kan tuarpi ve ko tinak a si. Khrihfa ah a kan cantertu Mirang pawl nunphung le ruahnak le tuahsernak lawnglawng in Pathian hi kan pehtlai awk a si ti lo.

Kanmah kokek le sining te le nunphung tein Pathian hi kan biak i kan pehtlai awk a si cang timi hi Bible thiamsang pawl duhmi le uarmi cu a si. Bawi Jesuh le a nu Mary cu Laipa le Lainu bantuk muisam in van suai ve uh law laipuan te van aihter ve hna uh ca a ttha tuk lai si. Crd-Van Tum

 

Kawlram chung buainak kongah Khrihfa mi kan rian pakhat cu thla fakpi in cam hi a si ko. Tuahsernak a um lo ahcun thlacam lawngcu a si kho lo kan ti tawn a hman ve ko. Asinan Pathian nih mi thinlung a thleng kho ko i mi lianngan deuh le miropui deuh zong a hman khawh ve ko hna. Pathian nih lamdang a ser khawh ve ko. Ngol lo tein thla kan cam penghi a biapi bikmi a si ko. Kum 70 leng uknak a tthat lo chungah zapi zaran cu zei ngai kan tuah kho lo. Cucaah cun thla fakdeuh in kan cam a hau ko.Van Tum

Be the first to comment

Leave a Reply

Your email address will not be published.


*