Lungpi chuih cu kan ke lehlam a kiak lai, a thahnemnak a um lo caah hrial a tha deuh,

Laimi 99% nih ralkap uknak kan huat, kei hi ralkap uknak a duh lo bikmi cazin ah kai tel ve lai. Nain, hriamnam in kan doh hna lai maw timi kong belte ah kan ruahnak ai dang cio.

Lungpi chuih cu kan ke lehlam a kiak lai, a thahnemnak a um lo caah hrial a tha deuh, kan miphun kan him deuh tuk lai tiah a ruatmi cheukhat kan um — a bik in keimah. Kan tei hrim ko lai, kan tei hlan lo kan doh lai tiah a ruatmi zong nan tam ve. Khua kan tuak ning le miphun zawn kan ruah ning ai dang tuk cio hna.

Kan i sik caan a tampi ko lai, nain kan i khah nak cu kan miphun unau nunnak a liam sual caan ah cun kan lungfah kan celh cio ve lo, kan lungfah ning kan i khat dih hna. Tulio Victoria Camp thawngpang kong zong ah thut um siarem loin kan thinphang tuk cio, kan thisa unau him hram ko hna seh tihi aho poah kan lungkil thlacamnak a si ko.Crd-Salai Lungthli Tum

Tazaungdaing puai ah khuapi um Kawl pawl an hei i nuamh ning le pura kalmi an tam khawh ning. Motor in phaisa tlap thluanpi le soundbox torcheng he a vakmi nih hna an chet i lu an ri. Club le bar ah mino an khat hna, an music le DJ awthawng nih pawngkam an hninh.

Kannih Laitlang belte cu DJ music ai ah jet vanlawng aw le bomb thawng nih kan Lairam le Laimi vialte thinlung a hninh dih. Ramtang kan unau chinchin cu zeitluk in dah an thin a phan hnga mu. Vawlei hi a fair lo taktak ve.Crd-Salai Lungthli Tum