Lunglomhnak “Halleluiah ralzam dawtu Bawipa na cungah kaa lawm” tiah lomhnak bia ka chim colh..

Kan hnu Nov. 15 ah khan Mizoram Vaphai khua ah ralzam in a um ve mi Rev. Biak Thawng nih “Saya, ralzam rual pumhnak caah sounbox kan herh tuk i nangmah kan in bochan ko; a tthat tthat nak in na kan tuaktan piak a hau ko ee” tiah a hun ka chonh..

Cu bia nihcun fakpi in ka lungthin ah risnttuan i zeitin tuah ah dah tthat lai, tiah lungchung thlacamnak te ka ngei..

Ka facebook timeline ah bawmh halnak ca tar hmaisa phot ning law, Pathian nih mizeimaw lungthi ah rian a ttuan phum ko hnga, timi ruahnak a chuah caah nan hmuh cio bantuk khan ka Timeline ahcun ka hun post i thlacam bu in ka hngah..

Khuaruahhar Pathian a sinak aa phuang, a mak kho tuk~ka post nak in minute 4 a tlin bakte ah Australia lei in kan i bochan tukmi ka naupa Cinkhua khuami Pu That Mang Honey Mang CK nih “na ca post mi tu bak ka hun hmuh; soundbox cu keimah nih ka hlut hna lai muh” tiah a hun ti ko..

“Halleluiah ralzam dawtu Bawipa na cungah kaa lawm” tiah lomhnak bia ka chim colh..

Cawknak caah a herhmi phaisa Rs. 15100/- zong tlamtling tein Rev. Biak Thawng kut ah a phan cang i atu zarh Sunday hin cun nuam taktak in Vaphai khua ummi ralzam hna zong Soundbox thar he Pathian an thangthat kho cang lai..

Bawmhnak petu Pu That Mang le chungkhar Bawipa nih thluachuah za he lam hruai ko hna seh!

Bawmhnak pek aa tim nain tutan ah a pe manh lomi nan cungah zongah kaa lawm tuk. Caan tha dang um te lai.Crd.Hram Bik Lian