Lunglawmhpinak

Pathian aabochan taktak mi tlangvaal Biak Cin Sang cu Australia ram ah bible lei in sianginn țha tein a kan dih piak hnu ah nihin thawkin Melbourne Chin Church (MCC) ah caantling (full-time) Pathian rianțuantu pastor caah lak a si cang.

Pastor Biak Cin Sang, hi vawleicung pastor vialte lakah kumno bik ka theihmi a si.

Pastor Biak Cin Sang a rian națuan piakmi Bawipa nih thluachuahnak in pe in, in zohkhenh sehlaw, vel in ngeih ko seh! Kan lawmhpi tuk.Crd-Pa Hen Thang

Hniang 28 Diary: Lungzarhṭum Ralzam Camp ah Pumh CP Lian C.Nihin zarhpi cu Lungzarhṭum ralzam camp ah kan ralzam hawile pumhpi le thazaang pek ding in kan kal. CRST program in a si. Sangau in Lungzarhṭum cu KM 64 hrawng ai hlat. 6:00 AM in kan i thawh. Bualpui kan phak ah caw hruai mi kan hmuh len hna. Caw pahnih cu an kebei. Kawlram in hun phak cu an mawh ve lo.

Lungzarhṭum Ralzam Camp cu inn an sakpiak mi hna a ṭha. A ṭuang ah a ṭha, a vam ah taal, a di ah canpheo. Reprai tein an sak. Ti zong a ṭha. Ar an zua. Dum bi tete zong an tuah. Inn 16, minung 84 an um. Inn 16 ah, Matupi in Ngaleng khua mi inn 7 an i tel. Kum 70 cung tar 4 an um. Chiti le daal bawm khat cio le muṭhai khi kan phurh hna.

An umnak camp ah biakinn an sakpiak hna. Biakinn luhnak an tuah rih lo. Nihin cu a voi 1nk an biakinn thar ah kan i pum. Minung 84 ah 68 tluk an i pum, khualtlawng mi dahlo an tling. An fel tuk. Tlawngtu he tlawn mi he ralzam lawngte kan si. Thazaang kan laṭi. Pathian sunparnak caah si ko seh!2022 Hniang 28, Zarhpi.