Lung a leng, tuanbia ah an cang dih cang

April/2003 ah Norway ka phan. July/2004 ah a voikhatnak NCCF civui kan rak tuah i, Pu Zing Cung kan rak sawm. CNF Secretary a rak ṭuan lio a si.

Phungchim a thiam taktak. Atulio Pastor tam deuh le Evangelist tam deuhnak in a leet in a thiam deuh ving. Nihnih chung le zanthum chung a rak chim i, a donghnak zanah ”a ngamhmi paoh ka zul u” rak kan ti sehlaw, aa thawhmi kan rak tam taktak hnga. A rak kan ti lo bu ah zulh a duhmi an rak um len rua i, a mah tu nih a rak thlauh lenmi hna a lo ko.

Norway in US lei a zuanah US ah an tlaih kha a si i, kanmah ruangah Pu Zing Cung an tlaih ee tiah, ca zong ka rak ṭial phah bal. Cu khawhin Dr. Lianhmung Sakhong te nupa le Dr. Hla Aung an rak kan tlong ve. Norway a rak kan tlongmi ah a rak kan tlon hmasa bik an si.

Mah hmanthlak hi ka sinah a ummi a si lo. Zahan ah hawi nih an rak ka kuat chommi a si. Hmanthlak ka hmuh i, lung hna a leng. Tuanbia ah an cang dih cang.Crd-Perhkalh Thawng