LIVE’’ an thlah tawnmi vialte lakah a zoh ka huam lo bikmi le a ngaih zong ka huam lo bikmi cu ‘’Trinity’’ kong le ‘’Oneness’’ kong i el(al) hi a si

A Herh Tuk Maw?‘’LIVE’’ an thlah tawnmi vialte lakah a zoh ka huam lo bikmi le a ngaih zong ka huam lo bikmi cu ‘’Trinity’’ kong le ‘’Oneness’’ kong i el(al) hi a si. Ka huam lo lawng khi a si loh, a herh tukah ka chia lem fawn lo. Cuti ka ti tikah keimah hrimhrim Biaknak lei ka chambau tuk bia a si kho ko timi keimah tein timh cia ka si ve.

Ka huam lonak a ruang.Keimah ka tlanval kaa hrawnghrang in an rak i el(al) tuk cangmi a si i, aho nih a tei ti zong a rak um bal lo. Aho a sung ti zong a rak um bal hlei lo. Mah hihi a dik ti zong a rak um kho bal hlei lo i, mah hihi a palh ti zong a rak um kho bal hlei fawn lo. Phundang in ka chim ahcun, zei tluk i el(al) len zongah ‘’aphi’’ a um lomi a si ko rua. Mah kong tuchan tiang i el(al) rih ko cu huam cawk zong a si khe reng lo cu ta. A nen hmanh a ka neng cang.

A herh ah ka chia lem lonak.Mah ‘’Trinity’’ le ‘’Oneness’’ pom le pom lo nih Pathian fapa Jesuh Khrih thisen in a kan khamhnak Pathian ‘’Vel’’ kha a pelte hmanh ahnorsuan kho bal lai lo i, zumtu hna vancung kai le kai lo zong pakhat hmanh a dawnkhan kho bal lai lo tiin ka ruah ko. Cu zong cu Baibal sianginn nikhat zong a kai bal lomi keimah theih lo tuk bia le hngalh lo tuk bia a si kho fawn ko.Crd.Perhkalh Thawng

Be the first to comment

Leave a Reply

Your email address will not be published.


*