Ling Thar timi Facebook account deu in CDF Mindat kong a van ttialmi pawl nih thluak a tuaitaam ngai.

Ling Thar timi Facebook account deu in CDF Mindat kong a van ttialmi pawl nih thluak a tuaitaam ngai. AA he faak ngai in pehtlaihnak an ngeih caah a lung a nuamh lonak a langhter mi a lo.

Catialtu hi min deu a si caah zumh dih awk cu a si lo.A chimmi a dik tu ahcun AA nih meithal zuun khat hmanh puah loin Chinram zeimawzat a laak khawh bantuk a si hnga.

Hriamtlai hna nih an tthawn deuhnak dingah lam kip an kawl cu a phung a si ko. Nain AA bantuk i a duhfaak deuhmi ralkap hna he faak tuk in i pehtlaihnak nih caan sau caah an caah thil ttha a chuahpi taktak te hnga maw? An dohthlennak lila anmah kut chung ah a um ti awk a ttha ti hnga dek maw?

Kawl sinin hmuh ding in i zuam lengmang mi Self-determination timi Kawl kut cung in laak i mah kut chung ah hum I tim lo in a dang miphun dang kut cung i chiah tthan hna a lo sual te lai dek maw.

Ling Thar nih a ttial mi pawl hi a dik lo tiah a altu an um len. A dikmi si hram hlah seh law a ttha tuk hnga.Crd.Mang Hram Kung

โ€œMiphun pakhat kan si timi nan pom peng rih ko maw? Unau kan si nan ti peng rih ko maw? Ttih, lau le thinphang in kan tuah hna lai i con lak in kan chiah hna lai ti nan zumh rih ko maw? Na kan thei cang maw? Zei bantuk minung kan si na kan fiang cang maw?

Ka bia i cin: nanmah lo nun maw gas lo i nun dah? Nanmah lo nun kan i thim. Nanmah lo nun maw lektrik lo nun ah? Nanmah lo nun kan i thim. Ttihnak, muihnak, ttamhalnak hna hi kannih caah cun nanmah he hawikom le unau sinak nakin ttih an nung lo deuh. Caan nih zeizong vialte hi a siamremh tthan lai i ti, mei, gas le lektrik cu kan nei tthan lai, nanmah tel lo in. โ€œ

Russia nih a tuk i an ram a hrawh dih, an ei ding le an mei tiang in a hrawh dih bu ah Russia thladem tang in i hlipphuah an duh deuhnak Ukraine hruaitu nih a chimmi a si.

Dohthlennak tuah caan ahcun hi bantuk phun i bia a chimmi hruaitu hi neih a ka hiar ngai ve. Sianghleirun i lecture a ngai mi tu kan lawh peng rihmi nih hin kan thรฌ a linh ding ning rup in a hlanh kho rua lo hlah maw, ti awk in.

Be the first to comment

Leave a Reply

Your email address will not be published.


*