Lautu, Mara, Zophei, Zotung le Senthang hriamtlai phu hna nih joint committee an ser ve cang.

Lautu, Mara, Zophei, Zotung le Senthang hriamtlai phu hna nih joint committee an ser ve cang. Mah pengtlang hna hi a hlan tein unau kan si tiah ram tampi ah ZZLMS committee ser in civui le i hawikomnak bawlungpuai hna tuahti lengmang a si.

Atu cu hriamtlaih lei zong ah i naihniam deuh in riantuanti an i tim cang tinak a si. Tampi nih cun thiltha ah kan ruah ko lai nain cheukhat nih cun phan awk ah an ruah ve men lai.

Senthang CDF khi Hakha CDF he an i rem lo, CJDC zong ah an luhter duh hna lo. Nain, atu cu CJDC member 4 nih alliance an vun tuah tikah lungnuam lonak a um kho.

CNF le CBCUSA hruaitu an biachim zoh tikah duhsah tein pengtlang CDF pawl hi hrawh in CNF ah luhter dih an timh hna timi hmuh khawh ngai a si. Abik in CNF sin lawng ah bawmhnak phaisa luhter, CNF kuttang ah a lutmi CDF lawng phaisa bawmh ve ding khi biapi ngai in an i timhmi pakhat cu a si.

Nain, tutan ZZLMS hma an lak ning zoh tikah I theihthiam lo ahcun hmailei kan Chin miphun kar ah buainak nganpi a chuak te kho timi hmuh chung khawh a si — hriamtlai phu pakhat le pakhat kar ah i upatnak le i theihthiam nak a um a hau, i nek lo a biapi tuk te lai tinak a si.
Crdit-Salai Lungthli Tum