Laksawng Facang Thaw Bik Ka Ngah

Nizan ah thilman kainak le thinphannak ka tar i kan Pastorte nan ṭamhal ahcun Thlarau tirawl nan kan pe kho lai lo tiah Hakha ah atu lio facang thaw bik Lung tuaihmuai kan ei khawh bal lo mi nungak muidawh rimhmui bang a rimhmui innchung aa zel mi Ks.70000 man cu dawtu chungkhat pakhat sin in a phan colh. Ka ning maw a zak deuh ka lawmhnak he a ngan deuh ti kaa fiang lo. Cu bantuk reru cu.

Nan chungkhar ca ah facang thaw eiter nan duh ahcun mah ṭazeih khi cawkpiak hna u law chimh man hmai thla tun 1 nan ka chuah ve te lai haaaa A ka lem lai i facang dang ei khawh dawh ka si ti lo. Tu zing cu kheng 3 te lawng ka ei kho.Crd-F Za Thang

Tiva Batuk Maw Khengpi Bantuk Dah?Voikhat ah tiva pawngah a ummi tarpa sinah tlangval pakhat a rak ra i, “Ka pu bia pakhat kan hal lai,” a ti. Tarpa nih ka hal ko a ti. Tlangval nih cun, “ Keimah cu tiva khat lei a um mi ka si, mi nih an ka nihsawh tuk, na sifak tuk, na mui chiatuk, na tung niam tuk tiah an ka neek, a phunphun an ka ti.

Keimah cu ngaihthiam ka duh ko hna nain avoitam cun ka thin kaa sum kho tawn lo zeitindah ka leh hna ah a ṭhat hnga,” tiah a hal. Tarpa nih khengpi a lak i tiva pawng ah cun a kal pi, ti a khat te in a lak i cun lung pakhat a thlak tikah ti cu a liam. Cun tiva ah lung cu a cheh tikah ti cu tlawmpal aa hlawk i cun dai te in a kal ṭhan. Tarpa nih, “ Ka tu, Khengpi bantuk minung cu mi nih lung in an cheh hna tikah leh an duh hna.

Tiva bantuk cu mi nih zei an ti hna zongah tlawmpal a hnih i cun amah ning tein a luang ko. Nang tiva bantuk maw na si khengpi bantuk dah na si?” a ti. Kan nih cio hi khengpi bantuk maw kan si, tiva bantuk dah kan si ve. Crd. Sarpaymyohtaw, August 14, 2022
Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna(Isaiah 26:3).Mah Azi

Be the first to comment

Leave a Reply

Your email address will not be published.


*