Laitlangah Pathian dantatnak a tlung kho men ka ti.

Zahan ka mang cu.Ka mang hi a hmanmi a tam ngai, a zate cun a si ka ti ve lo. Kawl ralkap nih vanlawng hmang in Laitlang an kah lainak kong zong ka mangah ka rak manh diam cang. Mah hnu ah pehtlai tein vanlawng in an kah thluahmah cang.

Zahan ka mang ning cun Laitlangah Pathian dantatnak a tlung kho men ka ti. Pathian thluachuah zong a si kho fawn. Fiang tein ka chim kho ve lo. Ka mang cu mahti hin a si. Kan khua, Tlangte ah kan um hna ti si, biak-inn tual ah. Mah lio ahcun vanlei in ruah ngan pipi a rak sur ciammam i biak-inn chung ah kan zaam len hna ti si. Biak-inn cu minung an khat tuk cang i a tang ah kan i dor hna ti si. Ruah cu a ngan tuk ahhin kan zaam pah/kan tlik pah ahhin kan tlu deng ti si. Mang kan leh tawn ahcun ruah hi thluachuah in leh a si tawn rua ka ti ko. Asinan kan ttih i kan zaam a si pin ah ruah cu a ngan tuk i kan tlu deng lengmang ti si. Mah caahcun Pathian dantatnak Lairam ah a tlung kho men ka tinak a si.

Vanlawng kahnak ding kong ka rak manh ciami cu kan khua thiamtthiam ah kan um hna ti si, hawile tiin. Mah lio ah raltuknak vanlawng cu a rak zuang ciammam i a kan kah len ti si. Kan ttih tuk i kan thih dih ko tung lai kan ti i hehtiah kan zaam hna/kan tek hna ti si. Kan hnulei cu a kaang dih ti si. Mah ka mang ka manh thlahnih hnu hrawng ah a si rua ka ti ralkap nih vanlawng nih Laitlang cu a van kah lengmang tak i nihin tiang ngol an tim ti lo. I ralring chin lengmang le lungfim tein umto cu kan hau bak ko hna hi. Kan khuacan a ttha ti lo.Crd.Van Tum