LAIRAM KAN ZAMTAK LAILO-CDF Pasal

CDF pasal lungput hi zohchuntlak taktak a si. Hawidang bang rawl thaw, meh thaw ei khawh lo zongah a dawtmi LAIRAM caah zeitluk tuar a ngamh timi fiang tein hmuhkhawh a si.Na tuar mi ka tuar ve lai.Ka lung di a riam khun ve lai LAIRAM KAN ZAMTAK LAILO.Crd-photo Crd.CCN

Kanbalu Ah SAC Ralkap Nih PDF Pahnih Mei In An Khangh Hna. Sagaing ramṭhen, Kanbalu peng thlanglei Theinyinse hmunram ah SAC ralkap nih ni 5 chung rallam an sial i, PDF pahnih an tlaihmi hna cu an khangh hna, tiah theih a si.

February ni 14 in Khah Mah Yah 368 Battalion ralkap le pyusawhti nih February ni 17 tiang rallam an sial i, Kaingyu khua pawng ah PDF pahnih cu an tlaih hna i mei in an khangh hna, tiah PDF ralkap pakhat nih a chim.

“Inlaygyi khua ah ni 3 chung umhmun an khuar hnu ah Kaingyu khua lei ah rallam an sial. Cu lioah ralvengtu PDF pahnih cu, SAC ralkap he an i ton caah an tlaih hna i, cycle le leithuannak seh he mei in an khangh hna,” tiah a chim.

Khah Mah Yah 368 SAC ralkap cu Shwebo-Myintgyina lam kam um Ngetpyotaing khua ah umhmun an khuar caah Kanbalu peng Theinyinse hmunram ummi minung 20,000 leng ralhrial in an zaam, tiah theih a si.The Chin Post