Laipa kutzung nih a tar langh mi Pu Van Za Ceu fb kong kha vun chim tthan ka duh.

Ka mi phun hawi le hna Laipa kutzung nih a tar langh mi Pu Van Za Ceu fb kong kha vun chim tthan ka duh.15.9.2021 ralhrang nih an rak kah mi ka nau pa Van Za Ceu fb acount hi a mah um lio ah a hman lo nak a sau tuk cang mi a si..

Ralhrang nih an hack lai i an hman lai ti lei khi si lo in A unau le a nu le pa nupi fa le sahlawh rual chan thin lung ah kan i lungsak cang mi a tu bantuk in a ho a si ti theih lo mi nih an hman tik ah kan lung a nuam lo ngai.

A hmang tu kha mi zei na si ah kan hman piak ti hlah tiah nawl kan duh.Crd-Cung Ling Thang

Jesuh Khrih chungah na hram thla!Thingkung cu a hun ṭhang deuhdeuh i a kung a hun sang deuhdeuh tikah ṭengnge tampi a ngei, hnah tampi a corlh i a phur dawh ngai le ṭha ngai in a hun isersiam.

Cuve bantukin a kheuhnak hmun, a pawngkam in thlichia le tilet nih a tuletu a hun den/hranh ve lengmang.

Asinain thinkung nih vawlei ah thuk pi ah a hram fektein a thlak/bunh caah zeibantuk thil paoh tong hmanhsehlaw a hnah cu a ṭil ve ko, a nge zong a kiak ve ko nain a hram a feh caah thlichia le tilet nih an pur/hrawk kho lo.

Khua caan pakhat hnu pakhat ai thlen bantukin intuar khawhnak ṭhawnnak a ngei. Thinkung nih a nunnak ah ai bochan/hngatchanmi cu vawlei ah hram sih/bunh asi.

Nangzong Jesuh Khrih na Bawi ah nai ser/lak/thim bangin Amah chungah na hram thuk piin na thlak/bunh ahcun,

Na hawikom, na pawngkam, na innpa, na Khrihfabu, na rianṭuan hawi le na chungkhat tibantuk nih na kong an iceih, na thang an ichiat, na sual an ikawl i an iphozar, an idoh/ral i hmailei kal kho loin na ke an ipheh leng zongah

Na ngaihchia men ko lai, na mithmai zong a chia men ko lai, na lung zong a rawk men ko lai, na mithli zong a tla men ko lai nain Thiang Thlarau ṭhawnnak nih an um pi lai i ngaithiamnak, intuar khawhnak thazaang ṭhawnnak an pek lai.

Zeicatiah Khrih chungah na hram na sih cang caah Amah nih fektein an tlaih! Culawng hlah, harsatnak, ngaihchiatnak, sunghzatlaknak, ṭahaihramnak, temhinnak, lungrawhnak le zawtnak phunkip na cungah a tlun tikah Thiang Thlarau ṭhawnnak, bawmhnak thawngin hi vialte hi inkhawhnak, tuarkhawhnak, ṭhawnnak, ngaihthiam khawhnak le thinlung damnak an pek lai.

Cu tikah na tonmi thil kip cungah Thiang Thlarau rianṭuan tikah Bawipa sunparnak na cungah a lang lai. Bawipa nih hmailei ah thluachuah an chap chih lai.

Jesuh Khrih nih vawlei a tei cang (Jn 16:33). Kannih Jesuh Khrih zumtu zong vawlei teitu kan si ve.

Vawlei teitu kan si kan ti tikah zeihmanh fahnak le harsatnak kan ingtuar lai lo ti asi lo. Kan tonmi harsatnak phunkip in teitu tu kan si.

Paul nih Kolose Khrihfabu hna ca a kuatmi hna cu “Khrih Jesuh cu nan Bawi ah nan ithim/lak/ser bangin, amah he um/kal ṭi uh. Amah chungah nan hram thla ulaw, nan nuncan kha sersiam uh, an in cawnpiak hna bangin nan zumhnak kha hmunh/fehter ulaw lunglawmhnak in khat uh” tiah ati hna. ( ‭‭Kolose‬ ‭2:6-7)

Nangzong na hram thuk piin Jesuh Khrih chungah tla mu! Teitu na si lai i na nunnak Bawipa sunparnak a lang lai. ‬Crd-James Vanngeilian

Be the first to comment

Leave a Reply

Your email address will not be published.


*