Laimi tangka zut bak hlah seh!Laimi cu mitlawmte kan si, tangka tlawmte lawng a tawngtham mi kan si fawn.

Laimi tangka zut bak hlah seh!Laimi cu mitlawmte kan si, tangka tlawmte lawng a tawngthammi kan si fawn. Kan hmuhmi kan tangka hi Laimi kut ah asi khawh chung in chawhter a hau. Miphun dang kut ah lanhter colh lo izuam a herh.

Tulio cu miphun nih tangka a herh, thawhbur a tam lingcing asi. Hi bantuk caan ko ah hin tangka umkal ning ngiat i semrelnak lam kawl a biapi tuk. Biaknak bu pawl, Relief ti le Support ti ai telmi bu vialte nih ralrin khun a herh.

Bawmhnak pekmi thilri vialte hi miphun dang sercia cawkmi lawngte. Tlunkalnak ah hmanmi zong a tam deuh cu miphun dang kut ah a lut fawn. Service kan thiam lomi tangka in miphun dang fialmi an um len rih kho.

Bawmhnak siseh chungkhar cio hmanmi zong asi khawh chung in kanmah Laimi kut chuak zalh izuam ding si. Hlawh phalh zong Laimi papek ding. Riliral ah cawnpiaktu cah i vanlawng man $ athong in miphungdang sin kan pekmi nak cun ramchung minung fial ding an si. Fund kawl tikah miphun dang sermi Tshirt zuar hna cu azin lam a pam. Lai chuak thil in tuah khawh izuam ding si. Ka theihban lomi a tampi lai.

America um kan pastor te nih $ a thongthong in miphun caah an pekmi khi Laimi khrihfa nih hlawh an pek hna caah asi. Kan pastor te khi miphun dang hei si hna seh law thawhbur koko hmanh ah kan sungh lai ning. Chim duhmi cu Laimi tangka Laimi sinah tam deuh a luh ahcun Laimi sin ah a kirmi zong a tam deuh ve ko. Miphun dang kut a luh ahcun tangka a thi colh. Lai company le Lai dawr zong tha kan pek bak hna ding asi.

Asau tuk cang le hi vial in si rih seh, nan theih tuk ciomi asi fawn ko le.crd-Cung Hup Thang

Be the first to comment

Leave a Reply

Your email address will not be published.


*