Lai phungthluk ah fahniang thlum ti a um i, fa hniang hi cu nu le pa caah an thlum bak ko.

Fahniang kan ti lai maw, arti kio ram pawl kan ti lai maw, un thu pawl kan ti hna lai maw, va si ko seh law.

Lai phungthluk ah fahniang thlum ti a um i, fa hniang hi cu nu le pa caah an thlum bak ko. Meh thaw bik, arti kio le sapherh vialte cu an mah ca bak khi si ko. Hnuk hrim sau tuk an ding. An ha a chia dih ngawt.

Fahniang hi cu chungkhar a lum tertu, um har pheng an si. Inn an um ahcun rian fial ding chukcho ah khin a tlamtling kho tuk. An um lo ahcun kan kut a bau i inn zong a ṭhing.

Fahniang cu u le nih thil pipa vialte tuah khanh dih a si tikah nu le pa le u le nau he um ṭi ti lo hnuah thil tampi an i harh. An ral a chia.

Midang nawl tangah sautuk a um tikah a ziak cang i a mah te biachah a ṭih peng i a pawngkam hna minung sinah ruahnak hal a ṭhawng. A nupi le a va caah mi hnahnok te, mi chim tam kan ti lai maw, khikhi a si kho.

A u le nih rian fial pengmi a si tikah nupi a ṭhit/va a ngeih hnu tiang a u le bia a el ngam bal lo. Cucu a nupi/va caah a nuam lo ngai kho. El phung zongah a ruat lai lo i a u le sin a lung a tlin lo hmanhah a hawi le sin deuh ah bia a phuan lai.

An un a thu khun i an i hnoh ning ah hin cun thlankhor an luh tiang i hnoh dawh khi an si.

Nu le pa le ruak fimtu an si thluachuah a hmu deuh ding khi an si nain a cheu fahniang le cu nu le pa caah an ṭuanvo an tlolh tuk.

Fahniang tam deuh hi an u le nakin an i dawh deuh zungzal nain vanchiat ahcun a u le he an mui pel te zong lawh bak loin muichiat khawh zong a si. A biapi mi si lo ma hi cu.Chirhchan- ka hei cuanh khawh tawk. Crd-Lainu Dawtu Aa Bor