Lai Autonomous District Council Golden Jubilee (1972-2022) ah Dr. Thla Awr Bawihrin nih a chimmi

Kan thilthuam ka zoh Laithuam a si, vawhla nan awi Laihla a si, nan thilthuam lawng nih Lai timi kha si lo in, kan holh, kan ca, kan nunphung, tu nih Lai timi kha a langhter awk a si ti hi keimah ka fian ning cu a si. Tuchun ni ah zeiruang ahdah LADC kan hmuh kan herh tiah ahcun…

1. Lai sinak nunternak caah a si. 2. Laica, Laiholh, Lai nunphung nunternak caah thanchonnak caah a si. 3. Lai sining Lai sinak kilkamh, zohkhenh, tharchuah ding ah lakmi a si ti hi keimah ka fian ning a si.

Zei ruang ahdah LADC kan herh Laiholh in kan holh lai, Laica kan cawng lai, Lai nunphung in kan kal lai ti duh ruangah a si i, fiang deuh in chim ahcun, Lai cu Chakma kan si lo caah, Lai cu Lusei kan si lo caah, Chakma nih Chakma holh, holh ko hna seh, Chakma nih Chakma Culture tuah ko hna seh, Lusei nih Lusei holh holh ko hna seh, Lusei nih Lusei thuam i thuam ko hna seh, kanmah Laimi cu Lai sinak, kilkamh zohkhenh tharchuah, nunter dingah Lai cu Chakma kan si lo, Lai cu Lusei kan si lo caah, India Center cozah sinah, Lai nunphung Laiholh Laica, Lai culture thanchonnak caah LADC kan pe ko u tiah va hal a si. Kan hal hna India cozah nih hlathlainak an tuah, Lai hi Chakma an si maw, Lai hi Lusei an si maw ti hlathlai an tuah hnu ah Lai cu Laiholh, Laica, Lai nunphung, Lai thuam a ngeimi miphun, an si caah LADC pek a n tlak ko ti’n 1972 ah LADC pek kan si. LADC pek kan si a muru philh lo ah a tha tiah ka ruah.

LACD hal hnawhchanmi a muru hi LADC ah a nung maw LACD kum 50 a tling cang, kum 50 a tlingcang mi pa nih mahholh cu a thiam a hau, American ah kum 30 ka um cang American ah kum 10 kan um ahcun American holh kan thiam bantukin kum 50 a tling cang mi LADC nih zei tluk in dah Laiholh, Laica, Lai nunphung nan thiam ti kha kei cu Question hal kan duhmi hna a si.

MADC nih Mara nunphung Mara Culture heh tiah an venhim, Congte ah thla thum ka um, Congte nih Lushei holh an holh duh lo, kanmah tah kan holh maw, zeiruangahdah Chakma nih Mizo holh an duh lo, Chakma nih an holh ten an holh bantukin Mara nih anmah holh in an holh bantukin Zawngling ah thla nga ka um, Mara holh lawngte ka holh ve ko, Tuipang ah thla 2 ka um Mara holh lawngte ka holh ve ko, ulenau hna chim ka duhmi cu LADC hi midang holh nih a dolh sual maw , midang holh, midang nunphung, midang culture nih LADC hi a dolh sual maw, kan hmuitinhmi a nung maw ti kha ruat pah bu in Laiholh, Laica, Lai nunphung, nunter lo in phundang in chim ahcun LADC ah holh dang miphun dang holh Chakma holh, Lusei holh Mar holh kan holh sual maw Bengkali holh kan holh sual maw.

LADC Officer vialte LADC hmuitinh kan nunter maw CM zong hal ka duhnak a si, LADC hi tangka hmunnak men ah kan ngei sual maw, Laiholh, Laica,  Lai nunphung Lai thilthuam kilkamh, zohkhenh tharchuah hi LADC nih a tinhmi a si, kum 50 chungah zei tluk a  nunter khawh. Lai miphun a nunter bik cu LADC nan si rua tiah ka ruah, Laiholh Laica Lai nunphung a nunter tu ding hi nan mah nan si.

Lawngtlai ah Lai rim a nam maw, LADC ah Lai muisam a cuang maw ,Nan khuachung ah Lai muisam a cuang maw, Chakma muisam a cuang ko dahra, khuachung ah Lusei muisam a cuang ko dahra ti zong hal kan duh hna, Laimi sinak nunter ko usih, khoika in dah kan nunter lai, Chungkhar ah Laiholh kan holh lai, Sianginn ah Laiholh kan holh lai, Office ah Laiholh kan holh lai, kanmah le kanmah i hleng hlah usih, Lairam ah Lairim nam ko seh, Lairam ah Lai muisam um ko seh, Khuazing Pathian nih LADC le Chin miphun thuachuah kan pe ko seh.Credit-Pa Mawi Van Khawng

Be the first to comment

Leave a Reply

Your email address will not be published.


*