Kum Thar ah ziaza ṭha lo thlen, nun thar in nun duh dih a si.

 

Khah! Khah! Khah!Nichuah lei kan mipnun hawi hna cu 2023 ah an lut cang. Kannih zong tuzan ah kan lut ve lai. A luan cia cu philh cang an kan ti. No… kan philh kho lai lo. Mah bel te, a luan ciami nih kan tlai in hnu ah kan dok ti hlah seh! Hmailei kong lawng ruat cang an kan ti.

Yes… Kan ruah khawh ko nain a cang tak ding mi bel kan thei kho lo. Kum hlun ah Laimi zeizat dah kan thi ti cu kan hngalh khawh. Thaizing kong bel kan chimh kho lo. Zan ih lai i mei kan hun hmih khin cun mirum, sifak, mi sual mi fel a hohmanh kan i dang ti lo. Nunnak cu Bawipa kut ah a um ti a zummi lawng lungdai tein an i hngih kho. Pathian a zum lomi zingka thawh le a zummi an i lo lo. Pennak pasal le nusal hna zingka an thawh i ṭuang an hun lamh ah khin sehtan a thirh (Tony Evan).

Kum Thar ah ziaza ṭha lo thlen, nun thar in nun duh dih a si. Ziah March thla tiang a nguh tawn lo. Zia ṭha lo ai ah Khrih nun kan rolh ter lo caah a si. Ramvai pa nih rul pakhat le zu pakhat a tlaih hna i sawngkhoi pakhat ah a khumh hna.

Rul cu a rawl a tam i zute kha van lamp nih a hriar tuk cang. Nain thih ṭhiamṭhiam ding tham cu tiah aa sum. Zute nih sawngkhoi cu a ṭam ceumo i an pahnih in an luat (Kawlmi an i cawnpiaknak). Din ei sawm nih nun luatnak a pek. Korea siangpahrang pa cu sinumnu nih rawl a pek. A duh bikmi kha a hmai cem ah an chiah piak. A hun i lak i a ei lai ah sinumnu a hram thawng a theih.

Ziah na hram tiah a hal i, ka rawl a ṭam tuk i si sorry, tiah a leh. Ziah na rawl cu a tam a ti i, minu nih zahzan rawlka a thaw tuk i a hlei mi a tlawm tuk. Kannih cu na rawl a hlei mi lawng ei ding in rian a ṭuanmi kan si, a ti. Siangpahrang pa nih sinumnu cu nangmah nih ei ko ne tiah a rawl thaw bik a pek. Minu nih a ei i tlawmpal ah thi in a luak i a thi (S Korea pawl cawnpiaknak). Mi zangfahnak nih mah nun a khamh.

Thaizing khua dei lai. Thleidannak a ngei lai lo. Nika a chuah lai. Kan zapi ca ṭhiam. Thlichiang hranglai, tilet tho lai. Mi an thleidang hlei lai lo. Zeicatiah Sertu Pathian cu nangmah le keimah bantukin thelidannak a ngei lo. Nehsawh deuh mi, ṭih deuh mi, dawt deuh mi, huat deuh mi a ngei lo. Amah mui lo in a kan ser i tluk ceu tein a kan dawt dih. A duh bik mi cu Amah kha lunghrinnak ngei lo tein zumh le i bochan a si.

Zumhnak timi hi a hme a ngan tiin tah khawh a si lo. Anṭam ci tia zumhnak nih tlang ṭhial khawhnak a ngeih, a ti. Cu tlang cu nan nun hna an hnawhtu, lungretheinak an petu vialte kha an si. Khrihfabu member 300 nih the Great Smokies tlangbo kam ah biakinn an sak. Biakinn luh an i timh ni hra aa duh ah cozah lei nih na tuah kho lo nan mawtaw dirnak le nan minung aa rup lo an ti hna. Lungrethei in an um.

Tlangthial khawhnak zumhnak a ngei mi chuak ulaw thla kan cam lai an ti. Minung 24 an chuak. Nazi pathum an cam i an pastor nih Amen a tuah. Zei hmanh a cang lo. A thaizing ah Pastor zungkhan innka an kingh. Innsatu company an si. An biakinn hnulei tlangbo vawlei kha an inn sak dingmi hmun chilhnak ah an cawk hna i parking an serpiak hna (Cantrell, Donald). Kum Thar lomhnak nan dihlak cungah um ko seh!Crd-Chan Thawng Lian

Be the first to comment

Leave a Reply

Your email address will not be published.


*