Kum 1999 hnu ah Malaysia Immigration Detention Camp in ramdangmi chuah-zaamnak

Malaysia cu ramdangmi a hlei in Asia nichuah thlang lei (South East Asian) ram in phungning in siseh phungning loin siseh, ralzaam he zaam lo he cawhhrup in kan um cionak ram asi caah tlaihkhih (Operasi luh) hi a dong ti um bal lo.

Malaysia ah ramdangmi tlaih an tonbiknak aruang cu phungning loin um, phungning loin riantuan, phung nih a onh lomi tuah le tuan ruangah asi bik.

A luacia kum hna ah ramdangmi tlaih a tong i immigration detention camp a phanmi hna an chuahzaamnak hmuh khawh asi.

1. July 26, 1999 Hi lio ahhin Lenggeng Camp ah a rak erhkhumhmi hna Bangladesh rammi 192, Pakistan, India, le Indonesian rammi hna nih an rak bauh bal ve. Minung 9 an rak tlaih khawh than hna.

2. February 1, 2002 Africa rammi minung 153 cu Kemayan Immigration Detention Camp in rak chuak zaam. Minung 138 an rak tlaih khawh than hna.

3. April 6, 2011 Kawl rammi minung 109 Lenggeng Camp in an rak chuak zaam. Minung 55 ran rak tlaih khawh than hna.

4. February 28, 2019 Indonesia rammi pa pakhat cu Malaka ah ummi Immigration Detention Camp in a rak chuak zaam.

5. October 17, 2020 Pekan Nanas, Johor ah ummi Immigration Detention center in minung 5 an rak chuak zaam

6. January 2, 2021 Indonesia rammi minung 7 cu Lenggeng Camp in rak chuak zaam. Minung 3 an tlai khawh than hna.

7. May 14, 2021Philippine rammi minung 6 cu Sabah umm Immigration Detention Center in an rak chuak zaam. Minung 4 an rak tlaih khawh than hna.

8. June 27, 2021 Thailand rammi minung 8 cu Tanah Merah Immigration Detention Camp in an rak chuakzaam.

9. November 10, 2021 Philippine rammi minung 14 cu Kimanis immigration detention camp in an rak chuakzaam. Minung 7 an tlai khawh than hna.

10. April 20, 2022 Rohingya minung 528 cu Bakap immigration detention center in an chuak zaam. A tli zaammi hna lak ah pa 2, nu 2 le hngakchia 2 motor nih a pah hna i an nunnak a liam. A tu tiang ah minung 417 an tlaih khawh than hna.Credit-Ceumi LianCherhchan: The Star

Be the first to comment

Leave a Reply

Your email address will not be published.


*