Kum 18 Tling Cangmi Hna Nih Meithal I Put Khawhnak Upadi SAC Nih An Ser

Kum 18 Tling Cangmi Hna Nih Meithal I Put Khawhnak Upadi SAC Nih An Ser

Kum 18 a tling cangmi paoh nih meithal i put khawhnak nawl kan onh, tiah SAC Ministry of Interior nih 2023 January 31 ah an langhter.

2022 December thla ah tuahmi SAC meeting biachahnak in kum 1977 lio i rak chuahmi hriamnam License upadi No. 16 cu kan tharchuah. Rifle le sub-machine-gun pawl lawng tlaih khawh a si lai, tiah an langhter.

An cathanh chung ah kum 18 a tling cangmi, SAC kuttang pyithusit, rampi cung ah dawtnak a ngeimi, humhimnak ca ah meithal tlaih a duhmi le nuncan ziaza a ṭhami lawng nih hriamtlaihnak nawl nan sok lai i peng palik zung ah register nan tuah lai, tiah an langhter.

Meithal tlaih khawhnak a ngeimi nih meithal zun thum tiang nan i tlaih khawh, tiah an thanh.

Thawngpang Dang:Oe Bo Thonginn Ah Ramkhel Nu Thongtla 70 Leng Hrem An Tong, 20 Leng Nih Hliamhma Fak An Tuar.Mandalay, Oe Bo thonginn ah ramkhel lei thongtla nu hna cu hrem le tukvelh an ton caah hliamhma fak an tuar hna tiah thonginn he naihniam in a ummi hna sin in theih a si.

Oe Bo thonginn chung February ni 4, ah nu thongtla an umnak No.1 le No.2 ah tisa i halnak in pakhat le pakhat kar bia i alnak a chuak i, thonginn rianṭuantu hna nih thongtla nu an ihnak tiang kal hnawh in an tuk an velh hna tiah theih a si.

” Thongtla nu pawl an dihlak in tukvelh an tong, an lu ah hmatuamnak in tuammi le cheukhat cu a kut le ke kiakmi zong an um, thonginn chung ah hren in a lengmi he tonnak le biaruahnak nawl an pe duh hna lo, an hremtuk hna” tiah thonginn he naihniam in a ummi pakhat nih a chim.

Thonginn rianṭuantu hna nih ramkhel lei thongtla hna cu thirfung, ruafung le chai hmang in an hrem hna caah cheukhat cu an lu a kuai, cheukhat cu an Hnakhaw a cat, cheukhat cu an mit an i hliam, kut le ke ah hliamhma tuarmi hrim an tam tiah thonginn he naihniam in a ummi hna nih an chim.

Nu thongtla 20 nak tlawm lo nih fak ngaiin hliamhma an tuar, minung 70 nak tlawm lo hi chai in chaihmi an si i minung 35 hrawng cu ni riakhiahpiak um loin thong chung cakuatnak nawl phihpiak in an hren hna tiah theih a si.

Oe Bo thonginn chung ah hliamhma a tuar mi nu thongtla hna cu an herhmi si-ai zohkhanhnak a tuahpiak hna lo caah, an hma ah hma tuamnak puan lawng in an i tuam tiah theih a si.Delta News Agency The Chin Post