KIO cungah MAH tuahsernak cu a unau Pa, Putin nih Ukraine a tuahto ning nawl aa cawn rua ti awk in a um.

KIO cungah MAH tuahsernak cu a unau Pa, Putin nih Ukraine a tuahto ning nawl aa cawn rua ti awk in a um. Ground/ Vawlei cun thazaang a ngei ti lo caah, a bu in an umnak paoh ah Bomb in mual hman aa bawh cang tinak a si.

Tulio Uk ram a uktu Conservative Party cu anmah le anmah karlak ah ihmuh thiam lonak a sang ngai i, Kum 1 chung ah Prime Minister 3 an ithleng. Vawleipi a rak uk baltu, Kingdom cu, mipem India Pa rorelnak ah an tla. Rishi Sunak hi mirum a si i, King Charles nakin a rum deuh an ti. A rumnak belte hi a Nupi, Akshata Narayan Murty sinin a si, ti a si. Labour Party hruaitu, Keir Starmer nihin ah tlawmpal a rial i, Truss bantuk cun a rial kho ti lo i, Conservative MP pawl an mirh a ttha ngai ti tiang kan theih rih. Zeidah a lawh te hnga.

Saudi Arabia nih an ukmi/ influence ngaimi OPEC nih Oil chuah tlawmter ding biachahnak an tuah. November in an thawk lai. JOE bidden nih a va tlawn hna i, oil tam deuh chuah a Nawlmi hna cu, tam deuh chuah chim lo, tlawmter chinchin dingin bia an khiah deih tikah, US nih Russia lei tang in a ruah hna caah, US an thin a lin ngaingai. An ipehtlaihnak fakpi in a hnawrsuan.

China Communist Party congress, a donghnak ceremony lio ah, hmaitlar a tthumi lak, China president hlun, Hu Jintao cu, ruahlopi in an chuahter i, a ruang hngalh a si lo. China state media nihcun, ngandamnak lei ruang ah a tthutnak tthial a si tiah an chim. Term 3nak a pehtu Xi Jingping nihcun, Taiwan he ifawnhnak ah by force/ ralkap thazaang kan hman lai lo tiah a chim. President Xi nih a hmalaknak cu, China Foreign policy a si tikah, a ra dingmi 5 years chung ahhin biatak tein, US an zuamcawh lai tinak a si.

US Cozah nih ELON Musk cu, Ukraine pawl Internet a bawmhmi hna bantuk in Iran zong bawmh ve dingin an chawnh ti a si. US mirum pawl hi an rum tuk cang i, Kawlram bantuk, ram pakhat nakin, an rum deuh cang tikah, Kan Vawlei hi ttihnung lei a si tiah comment tete hna rel ding a um len.

KIO nih an tonmi kong ah tlawmpal te kir usihlaw, MAH nih an cungah a tuahmi cu lung a fak ko. A bik in anmah hi training provider an si tikah, MAH nih a ral khun hna timi a fiang ngai. Nain khat lei in ruah a herhmi cu ral lio ah open celebration tuah cu, khuaruah a tam ko.

Kawlram ah a bik in tlangpar mi, Chin telh in, founder sinak, anniversary le jubilee timi kan uar tukmi hi thangcholo, popularity uarnak pakhat a si. Dothlennak kan tuahmi ah teinak kan hmuh hlan ahcun, hnahchawl phah ding a si rih lo. Zeitindah sa kan kah khawh lai i, Zeitindah sa kan bawh lai tbk lawng tuak rih ding a si hnga tbk lei hi kei ka ruah ning a si.Crd-Zasang Cinzah

Van Nih Pathian Sunparnak A Langhter.Salm 19:1 Van nih khin Pathian sunparnak a langhter i a tuahmi thil kha a kan hmuh sak.

Van nih khin Pathian sunparnak a langhter. Pathian sining fiang bik in a chim khotu le zoh awk in a kan hmuh saktu bianung a si. Thei awk ttha a si mi cu’ a luancia mi kong a chimnak a si lo. A ra lai ding chim chungmi zong a si lo. A tu nangmah nih van na hmuhning bak khi a chimmi a si. Nangmah nih na zoh lio te ah a si ning khi Pathian sunparnak a langhnak a si ko.

Fur can ah van na zoh tik ah khuadawmnak pipi a tlang tlang in an choilulh malh na hmuh ko lai. Van in mei a chuah i khuari a tur thawng zong na theih ko lai. Khuasik zan van thiang tein a um lio can ah van na zoh ah cun arfi, a phungphun na hmuh lai. A hawinak in a ceu deuhmi arfi a um, tthep dedep tein van kam ah a cawl bantuk zong a um. A phunphun in an um khi na hmuh ko lai. Tthal nilin saling ah van na zoh tik ah phun dang a si ve ko lai.

Khuasik zan lei nimen te a vunglangh na hmuh ahcun ai dawh tuk hringhran. Hmanthlak suai thiam cem zong nih tluk awk ttha loin khuadawm sen,dum , rang, nak tlang tlang an ummi zong na hmuh ko lai. A si lo ah vankam senzung in a um mi le ai dawh hringhran mi ceucerh mi zong na hmuh ko lai.

Hi bantuk a liannganmi le dawhnak le duhnunnak in a khatmi van kan zoh tik ah a suisamtu a um hrimhrim ko lai ti a fiang tuk. Khrihfa nih Pathian kutneh a si ti ah kan zumh. Zan ah a ceululhmi arfi vialte a suaisamtu, hi thil hna phen ah hin a uktu a um hrimhrim ko. Mah a uktu cu Pathian a si ko, ti a fiang. Van nih khin Pathian sunparnak a langhter.

A tuahmi thil kha a kan hmuh sak. A tuahtu cu Pathian a si. Rom cakuat dal khatnak kan rel tikah Salm 19:1 nih a chimmi bantuk ruahnak hi kan hmuh ve. ‘Vawlei a ser hram thok te khan Pathian nih cun, hmuh khawh a si lomi a sining, zungzal hmunmi a tthawnnak le a Pathain sinak kha, fiang tein a langhter ko (1:20). Van nih Pathian sunparnak a langhter. A tuahmi thil kha a kan hmuh sak lengmang ko.

Van nih Pathian sunparnak a langhter ko caah hin vawlei fimnak in an hmuh lengmang mi le an chim lengmang mi hna hi kan zumhnak hrawktu le pial tertu an si lo. Kan zumhnak a kan dirhtthohtu le a fehtertu an si leh lam. Kan pawng kam ah a cangmi thli kong tamdeuh kan theih paoh ah Pathian tuahmi thil liangngan kong tam deuh kan theih a si. Zumtu kan caah a biapi mi belte a um ve. Kan hmuh mi thil zeibantuk paoh hi Pathian a um hrimhrim nak a langhtettu an si, ti kan theih peng a herh.Bil Hmung