Khuapi um mino hawi hna khuaruat deuh tuah u

Khuapi nan umnak nan vah veihnak hmanthlak le pic Social Media ah nan langhter tuk bantuk nan taarmi ruangah CDF Nungak tlang tampi an thinlung le ruahnak nan hrawh hna.

An in hngar hna i dothlennak hmun in chuah i a nuamhnak ah kir an duh, hriamtlai in ram tang ah na luh khawh lo a si zawng ah CDF lungthin a hrawktu si hlah.

Khuapi chung in CDF thazaang kan in pek hna ti chim peng tung i Lenvahnak heh tiah i post hi CDF lungthin hrawktu pakhat a si. Nan mah kan mah bang nuamhsaihnak a duh cingling mino lawngte kan si tik ah kan ruahnak a rawh a fawite i sum deuh tuah u.

Nan phone ah tha tein i fim chung ulaw dothlennak a dih tik ah kha nan tuah te lai.Crd-Salai DK

Mit hmuh mi poh le theihmi poh in cuai kan thlai colh ahcun kan palh zungzal ko lai.Zeidah a zeitheng dah timi kha a ruangtu kawl a hau mi a si.

Misual cu biacaih zung ah chuahpi a si ahcuna thatnak a chim lai, a chuahpi tu nih an diknak an chim ve lai, cucu kap hnih awka a ngaitu nih khan biachahnak a tuah khawhnak lai an biakha a ngaihpiak veve hna a herh.

A dik dik lo timi le a palh, Palh lo timi kong ahcun kan ruahnak kan hmuhning rakchim ve hi mihrut rian a si i hruhphun khat a si.

A palh le palh lo, a dik le dik lo ahcun kan ruahning kan hmuhning a biapi lo a si bakmi kha a biapi cem cu a si ko.

Ruahchan chim caan le hmuhning chim caan cu a hmun le hma te a um ve theu tawn.

minung hi kaupi in khua kan ruah a herh caan a um i bi tein khuaruah a herh caan zawng a um ve. Mi cung ah a tlungmi kha kaupi in kan ruahpiak khawh lo a si ahcun zeitik hmanh ah a rights a covo kha kan pe kho lai lo.

Mi nih fahnak ni caan zeizat dah a rak iin cang timi le zeitik in ai rak thawk cang hnga timi ruahpiak khawh ding zawng a biapi. Minung nih mualpho huam in thil pakhatkhat a tuah cang a si ahcun a thinlung ah sautuk a uam cangmi kha a uam khawh tilo ruangah a si ti zawng kha ruahchih a herh caan a um.Crd-Salai Dk

Be the first to comment

Leave a Reply

Your email address will not be published.


*