Khrihfa Company an Pur Cuahmah Ee!

Khrihfa Company tiah ka auhmi cu private in tuahmi Khrihfabu tete le (a bikin) Baibal Sianginn hna an si. Phunchimh ding member le cawnpiak ding sianghngakchia (students) ngeih ti lo ruangah a lileng tukmi Rev, Dr le founder tampi an um cang hna. An lilennak le sivanghnak cu Facebook chung tiangin hmuh/theih khawh an si.

Zeiruangah dah an purh? 1. Founder style hruainak: Founder tampi cu MAH le a chungkhar bantuk an si tikah anmah an zawt/thih tikah an nupile le fale nih company rian an pehzulh kho lo. An limhang a zor i tumchuk an panh.

2. Ram dang bawmhnak i bochan tuk nak: Kawlram Khrihfa Company 70% cu, mahte dir khawh i zuam loin ram dang bawmhnak kha thih tiang an awr. Pakhatkhat ruangah, an bawmh khawh hna lo tikah purhhram an i thok ve. (Hmailei can saupi caah bawmtu kan ngeihlio ah project kan ngeih i mahte in dir khawh te kan i zuam awk a si).

3. Quality nakin quantity an dawi deuh: Micheu cu fimcawngnak hmunpi a simi Bible Colleges bakah fimthiamnak (quality) nakin milu tam (quantity) an uar deuh. Tangka hmuh tam deuh nak a si ko hmanh ah caan sau a deuhmi a si lo.

4. Accreditation nakin tangka duh deuh nak: ATA, ATESEA ti bantuk ccreditation agencies hna khi quality tahnak an si. Kawlram Bible College tampi nih an sunlawi ning an theithiam lo. Tu chan ah fimthiamnak taktak a kawlmi mino tampi nih accreditation colleges lawng an kawl cang caah “no accreditation colleges” cu hnu an chit thluahmah ko cang hna.

5. Cawmtu buu an ngei lo: Bible College nih students a van kuatu khrihfabu an herh dih. Chungkhar-Private (family-run College) tuahmi cu students van kuatu buu an ngeih lo pinah thiamnak taktak a ngei lomi an graduate pawl hrimhrim rian hmu kho loin an vaakvai hna.

6. A fek lomi foundation cungah dirhmi: Pathian rian poah cu diknak le dinfelnak cungah dirhmi an si awk a si. Tangka hi a biapi cem a rak si lo. Founder chungkhar lawng rum vuaimai i ttuanpi hawi sifah peng hna hi corruption langhtertu thil pakhat a si. Company cheukhat cu mi member hlan chom in a thokmi zong an rak um ve. Cu bantuk a felfai lomi foundation cung i dirhmi company pawl cu sau a dir kho lo.

Ruahnak cheuhmi: A fekmi Bible College kan ngeih khawh nak hnga, a biapi mi thil hna cu,1. Faculty development (Qualified lecturers a zatawk i ngeih),

2. Library development – students nih rel dingmi cauk thatha ngeih. Kawlram Bible College tam deuh cu students 100 hrawng caah library cauk 5,000 hmanh a ngei lomi an tampi.

3. Learning facility development: Students nih zalong te i an cawknak hnga an herhmi thil tete zalhpiak hna.Crd-CK Tiam

Be the first to comment

Leave a Reply

Your email address will not be published.


*