Khor thuk chung a tlami Laa

Voikhat cu Laa pakhat cu tikhor thukpi ah a tla. Chuah duh ah a au lengmang. A ngeitu nih a zoh tikah tikhor cu a thuk tuk, laa cu a tar tuk fawn cang. Cucaah chuah phu asi ti lo tiah a kaltak.

A innpa kha a auh hna i hnawm kip kha an hlonh hnawh. Laa cu a ngeihtu nih chuah a timh ti lomi le hnawm an hlonh hnawhmi a hmuh tikah a ngaihchia tuk cang.

Awww, keimah tein ka chuah a hau, an ka hlonh hnawhmi hnawm hi ka hman a herh tiah khua a ruat. Hnawm an hlonhmi paoh cu a cunglei kainak caah a hman hna. A hmutu vialte an khuaruah a har dih.

Nunnak kan timi hi a caan ahcun harnak khor thukpi ah a tla tawn. Chanhtu ngei loin ruahchannak zong a dong tawn ko.

Asinain hihi biadik asi; kan tawnmi harnak hi cung sang deuh kan kai nakhnga Pathian nih tonter a kan sianhmi kan si. Kan tonmi harnak hi kan lu cungin nenhtu ah chiah loin cung sang deuh kainak donhlei bantukin kan ke tang ah chiah hna usih. Khor thuk chungin kan chuak kho ko lai.

Zeitluk khor thuk ah dah kan tlak timi hi biapi a si lo. Kan tonmi harnak kha donhlei bangin kan ke tangah kan chiah kho maw ti hi biapi cu asi.Crd-Biak Mawng

Be the first to comment

Leave a Reply

Your email address will not be published.


*