Khrihfa mi nih Sualnak hi hrințhan mi kan si hnu zongah Evan, Pastor, Rev. le Dr kan si hnu zongah kaltaak le thlah kan sian tawn lo mi cu a poi ngaingai mi a si.
Bawi Jesuh nih nan sualnak chungah nan thi lai tiah Johan 8:21 ah a chim.” Kan sualnak nih sual a kan phawt ko. Kan sualnak cu kan mah te in kan i hngal
ko, a ti (Is 59:12). Cucaah mi zeipoh a sual lo mi kan um lo, thihnak tlak sualnak nih a kan nenh dih. Jesuh Khrih nih mi sual a kan khamhnak hi Sual tuah țhan dingin khamh mi kan si lo ti hi kan fian a herh.
Bawi Jesuh nih hlawhhlang nu a hlawhhlan lioah an tlaih mi nu kha Judah mipi kut chungin a rak khamh ah khan va kal law va sual țhan ko! kan Khamh cang leh cu a rak ti lo. Va kal law va sual țhan ti hlah tiah a ti.(Johan 8:10-11). Lairam Cawnpiaktu cheukhat hna nih kan sual bu zongah a ka khamhnak cu a tlau hlei lo tiah an phuan mi a rak ngaitu hna caah thawng chia taktak a si. “Cucaah nan sualnak cu an hnawh piak hna nak hnga,
I NGAIHCHIH ULAW PATHIAN LEI AH KHAN I MER TUAH U, (Lam 3:19). Cucaah Pathian hmaiah sual Ngaihchihnak um lo pi in Sual ngaihthiamnak a um kho ve lo.
Rev. Jim Baker le Rev. Jimmy Swarggard (US) hna nih an aupi mi thawngțha i an ruah mi cu ” Kan Sual bu zongah a kan Khamhnak cu a tlau kho lo” ti hi a si. Sualnak chungah kan tlak zongah voi sarih kan chuak țhan lai tiah mipi an cawnpiak hna i hmakhat teah an hung karh ngaingai.(Prov.24:16). Hi Khamhnak a tlau kho ti lo ti Cawnpiaknak cu US ram ah cun Satan nih thluachuah a pek kan ti hnga maw mi tampi nih an zumh i an zulh ve.
Nu le nu, Pa le pa țhitumhnak tiangin an pom i sual ah an chia lo. Tv zong in Khamhnak a tlau kho ti lo tiin an phuan. An pastorte thawng thanhnak dingah kum khat ah budget US $ 150 million an pek hna. An Cawnpiaktu Pastor te cu a thlithup in nupi tampi an ngei i nau hrawknak (Abortion)tiangin an tuah kha an hngalh caah Pathian țihzahnak a ngei mi mi tampi nih cun an zumhnak a rak hmaanlo kha an theih cang i an chuah tak hna. An Pastorte an hnulei tuanbia cu aa dawh lo ngaingai.
Kan Lairam ah Cawnpiaktu tampi nu le tangka ah an tlaunak a ruang bik cu Pathian khamhnak fawituk in an dirpi caah a si. An nunnak taktak (Practical life)ah Khrih bantuk in theitlai țha tlai ding kha an i timh lo pinah mi dang a tlai ding mi tiangin fawi zaang Cawnpiaknak
” Khamh a tlau kho lo” ti
cawnpiaknak nih theițha a tlai ter kho ti hna lo. Kanmah lei kaap țhat tuah zuamnak nih khamhnak a kan pe kho lo tiin a lingtalet in an dirpi.Khamhnak a tlau kho lo ti Cawnpiaknak cu Sual luhnak kutka hun piak bantuk a si tiah ka ruah.
Rev. Ted Haggard cu National Association of Evangelist i an President a si. Cun New Life Evangelical Church of American i an Founder a si fawn. Amah cu Thawngțha chim thiam le biachim holhrel a thiam ngaingai mi a si caah US President hlun Bush nih nifatin thlacam tu ah a rak hman bal mi a si. Cawnpiak a thiam tuk caah a member cu a tam chin lengmang i million 30 renglo an si. A hnu ah a zumhnak kha aa thleng i sualnak kan tuah zongah ” Khamhnak cu a tlau kho ti lo” tiah biatak tein a hun phuan.
Amah nih a țial mi cauk ” Saved People never can lost again ” ti mi cauk cu tam taktak in an chuah i vawlei cungah a kenkip ah an kuat. A uar bik mi a cawnpiak mi hna cu pumsa sualnak tuah ruangah Thlarau khamhnak cu a dawn khan lo a ti. Amah a zul tawntu pa
Mr. Mike Jone he an i duh i Mike Jones hi pa ai zuar mi (guy) a si. Rev. Ted nih cun a nupile a fale a chuahtak hna i Mr.Mike Jones he an țhium diam ko. Cun a nupi Pa ai zuar mi Mr. Mike Jones nih Rev. Ted cu ka vapa a si tiin Tv in a phuan diam ko.
Cuthawngpang cu a member pawl nih an theih tikah an zumhnak a hmaan lo kha an hun i fiang supmap i an bu cu an chuah tak thluahmah ko. US President hlun Bush sinah ti chiar thlacamnak zongah a kal ngam ti lo. An hnulei tuanbia aa dawh ve lo.
Lung aa thleng taktak i a hrinthar taktak mi cu an chungah Sual thurhnawm thlarau chia dohnak Thiang Thlarau kha an ngei cang. Dr. Emil Brunner nih minung cu amah le amah aa do mi(Man is Revolt) a si a ti mi kha kan si awk a si.
Inn hngak tu Uico a bao ahcun mifir cu an kir țhan ko. A hrut mi Uico a bao lo mi nih inn an hngak ahcun Mifir nih inn cu an luh hnawh lai i thil an fir dih ko lai. Sualnak kan tuah bu zongah kan khamhnak cu a tlau lo ti Cawnpiaknak cu sualnak inn khar hawn piak bantuk a si.
Credit:Rabbi Ephraim Lian Rum
Av 22/5782( August 19/2022
Leave a Reply