Keicu ram le miphun caah ai pe mi ka si,

Keicu ram le miphun caah ai pe mi ka si, Keimah pumpak upatnak hmuh duh le Thangthat nak le cawnglawmh nak hmuh duh ah ai pe mi ka si lo,

Ka pumpak fimthiamnak le thiamlo nak Rumnak le sifahnak,ka thilti khawhnak le Ka santlaihnak langhter ah ka tuan mi a si lo i, Dawhnak le dawhlonak langhter ah ka tuan mi Rian a si lo.

Kai khinh mi hi keimah pumpak siloin Kan ram le Kan miphun caah santlaihnak a um ah cun ti mi ruahnak he ai pe mi ka si.

Hi dothlennak Rian ka tuan chungah Ka nunnak a Liam sual a si zong si le Ka tuan khawh chung ii ka tuan mi ah i chirnak ka nei la lo i i phuhrun nak zong ka nei la lo ,

Hramhram in umnak a la tu hna nih An tuahser nak a tha lomi do dingah ,Hi Rian hi keimah pumpak nih Kai thim.

Cucaah hi Rian ka tuan chungah
Dinfelnak,zumhawk tlak sinak le
Miphun dawtnak thinlung he ka tuan lai.Keicu CDF ka si Teinak cu Bawipa ta a si.Crd-Tial Tha Chin

“Ṭihnak Thinlung”Khua pakhat ah tlangval note a ral a chia tukmi a um. Nikhat cu an khua i Taing athiammi sinah a kal I raltha ding in ka cawnpiak tiah a van awl. Sayapa nih cun, “Hmakhat te cun kan cawnpiak kho lai lo, vakal law khuapi chungah mi na hmuhmi hna kha keimah hi mi ralchia pa ka si tiah an mit va zoh pah in va chim hna. Thlakhat chung na chimh hnu ah kan cawnpiak lai ,” a ti.

Tlangvalpa cu a lung a rawk tuk, a ngamh lo caah a kal lo. Ralchiatuk hi a har tuk caah a celh ti lo khuapi ahcun a kal cun sayapa a chimh mi cu tuah aa zuam. A hmasa ahcun mi an mit a zoh ngam hnga lo, a aw zong a chuak set lo.

Sihmanhsehlaw a hnu cun a hmuhmi hna kha raltha ngai in a chimh ngam hna, I thlakhat a tlingmanh. Saya pa sinah a va kal than, “ atu cu ka ral a tha deuh tiah na ruat maw?” a ti. Tlangvalpa nih, “ Asi ,saya mi k ava chawnhpah hna in ka ralchiatnak a tlau, keimah le keimah zumhnak zong ka ngei deuh cang,kaa nuam deuh cang,” ati. Sayapa nih, “Ralchiat timi, tihnak timi hi kan tuahpeng caah kan tihmi a si ko.

A hohmanh nih hrawhpiak khawh a si lo, mah tein I thlen a herh. Pawngkam mi nih cun ruahnak cheuh lawng a tuah khawh. Cubantuk cun ralthatnak zong hi tuahtawnmi pakhat a si ko. Kan nunnak ah zei kan tuah paoh ah mah lungput hi mah te in I hngalh hmasa a herh,” tiah duhsah tein a chimh. June 28, 2022Bawipa ṭih hi fimnak ding caah cawnpiaknak a si, upatnak phaknak lam cu toidornak a si (Phungt. 15:33).Mah Azi