Kei cu ka caah a thi i ka caah a tho țhan mi Jesuh min bak in tipil ka in.

KA TESTIMONY 1969 October ni 15 zan ah ka nunnâk nih Pathian dawtnâk a rak hngalh.

Pathian Biatak Khamhnâk Thawngțha le Thiang Thlarau ah hrihțhan ka rak si lio ah hin
Ti cu dor khat te hmanh ai rak tel lo

Cu zan ah ka hna nih a theih i ka lung thin nih a cohlân mi cu:- Pathian nih a ka dawt hringhran caah a Fapa ngeihchun a ka pek (Johan 3:16) timi le

Fafa ngeihchun Jesuh nih a ka dawt hringhran caah vailamtahnâk ah a nunnâk ka caah a pek (Johan 3:14) timi Thawngțha hi a si.

Cu misual khamhnâk thawngțha ka hna nih a theih i ka nunnâk nih zumhnâk in a cohlân tikah:-

Thiang Thlarau nih ka thlarau sinah Khamhmi, Pathian rocotu fa ka sinâk kha fiang tein a ka hngalhter.

Cuticun holh in chim khawh lomi lomhnâk mitthli kha ka biang ah a rak luang. 1Pet. 1:8-9.Pathian Biatak le Thlarau ah hrințhan mi ka si. 1Peter 1:23. Johan 3:8.

Ka thih tikah van ah ka kai lai ti cu Rualuk ka si kai hngalh tluk fiangin Thiang Thlarau nih aka hngalh ter.

Kha zan ah khan tipil cu chim rih loin ti cu hrai khat cu chim rih loin TI CU DOR KHAT tak tak hmanh ai tel rih lo.

Pathian Biatak le Thlarau ah hrințhan ka sinâk hi Mizoram ah a si i kan khua Dawn ah ka tlung colh.

Inn khat hnu in khat ah zan chiarte tehte khânnâk ka ngei.October thla a dih in November ah tipil ka ing.

Pastor nih tichung i a ka hnim lai te ah. ‘Jesuh hi ka caah a thi i ka caah a thoțhan tiah na zûm maw’ tiah a ka hal i kei nih, ‘Ka zumh’ tiah ka ti.Ka caah a thi i ka caah a tho țhan mi Jesuh min bak in tipil ka ing.

Tipil a kape tu nih cun, Jesuh nih nawl a kan pek ning tein ‘Pa le Fapa le Thiang Thlarau min in tipil kan pek’ tiah a chim i tichung ah a ka pilter.

Kei cu ka caah a thi i ka caah a tho țhan mi Jesuh min bak in tipil ka in.

Tipil a ka petu nih cun Jesuh nawlpek ning tein Pa le Fapa le Thiang Thlarau min in tipil a ka pek. Zuh ding le chap ding samzai ngaw hmanh a um lo.

Cuticun November ah tipil ka in mi kha Octiber ah Pathian Biatak Thawngțha le Thiang Thlarau ah hrințhan ka si i khamhmi Pathian fa ka si cang caah a si.

Khamhnâk hmuhnâk ding le Thlarau ah hrințhannâk dingah tipil ka ing hrim hrim lo.

Cucaah khamhnâk hmuhnâk ding le Thlarau ah hrințhannâk dingah:-Jesuh min in siseh, Pa le Fapa le Thiang Thlarau min in sihseh.tipil a ing mi le pek mi hna cu:-

Pathian Biatak Thawngțha le
Thlarau Thiang ah hrințhan a si lomi le Khamhnâk a co rih lomi an si caah-Sullam ngei lo le man ngei loin tichung ah pilter sawh sawh mi le a sawh sawh in cinter mi men men an si.Dr.Rualuk

Be the first to comment

Leave a Reply

Your email address will not be published.


*