Yahweh Pathian nih Chin miphun (Laimi) hi chambaunak tampi kan neih ko bu ah a kan dawt a kan zaangfah i Kawlram hmanh ah federal democracy an ngah khawh lo tiah vawlei cung federal democracy ram 20 lengah milu ting 2 leng a kan phakter. Mah in cun fimcawnnak le thiamnak a phun2 le chawva i lak hna seh law Lairam (Chin state) hi sersiam hna seh ti a kan duhpiak/a kan tinhpiak. Kawlram miphun lakah federal democracy nun ram tambik ah a teptu kan si lai Chin miphun hi, Kawlpawl dah ti loin cun.
Ralkap uk lio ah Laitlang khua tampi ah biakinn tthatha kan sak hna, tteih-inn thattha kan sak khawh hna, sipuazi a phun2 kan hei tuah khawh hna, pumpak in miharsa le a zawmi kan bawmh khawh hna, khuapi chung hna ah biaknak lei inn ngan pipi le vawlei lei in herhnak caah tiah ngan pipi kan sak khawh hna, buu tampi ah bawmhnak kan pek khawh fawn hna, chim ding tampi a um rih ko lai. Khuakhat le khuakhat karlak motor lam zong kanmah tein kan i cawh khawh hna, motor tampi kan cawkpiak hna, motorcycle tampi kan hei cawkpiak fawn hna. Fale cu college le sianginn dangdang ah kan kaiter khawh fawn hna. Mah vialte cu Federal democracy ram lawngte in an ra dih hna. Mah cu kan i lungsi ti lo i kan minung sinak in hehtiah a ttha deuhmi lam kan kawl kan ti nan atu cu kan lo viar cang ko hna a lamkip in.
Mino tampi nunnak a liam, phaisa tampi a dih, ralzam an karh, Mizoram ah kan phaisa a lut dih fawn, inn le khua tamtuk a kaang. Lungkuaimi le lungrawkmi an karh, sianginn an kai kho lo pin ah biakinn hmanh ah an i pum kho ti hna lo. Hi hnulei ah a zualchin khomi si. Dothlennak lam phundang in kan kawl a hau ka ti. A lam tampi ko. Miphun dang sin ah kan cawn awk a si, kan hlat awk a si. Pathian nih a kan pekmi satit thawthaw cu kan i za lo i kan duh a fak deuh ruangah atu cu saruh ah kan tla diahmah ko tiah ka ruah. Falam pawl an ti bang “Duh am tuk cu malte ngahnak a si” timi kan hluan cang ko rua.Crd.Van Tum
Leave a Reply