Kawl Buddhist pawl sin in cawn awk kan nei.

Kawl Buddhist pawl sin in cawn awk kan nei. Kawl pawl cu Buddhist an si nan sipuazi pakhat an hlawh a tling ahcun an biaknak phungki sin ah maw silole miharsa bawmh ti bantuk ah an hmang colh. Pura fate hna an ser tawn. Chim duhmi cu an chawva in an biaknak le miharsa bawmhnak ah a si khawh chung in an tuah hmaisa tawn. Phyu3 Htwe video zong mah bantuk cu hmuhding a tampi ko.

Laimi teh Khrihfa 100 ah 95 nawn kan si nan kan Bible le kan Khrihfa cawnpiaknak nih 100 ah 100 nawn in misifak le miharsa bawmh le kan biaknak ca i chawva he i tel cu a kan cawnpiak va si kaw Buddhist biaknak a biami Kawlpawl tluk in teh kan chawva le kan hlawhtlingmi hi kan biaknak caah le misifak bawmhnak caah kan hmang ve maw ti hi thuk piin ruah kan hau ve cang. Kan Bible zong nih nun va siang law na rum lai tiah a kan cawnpiak. Laimi Khrihfa zong sipuazi kan tuahnak ah kan hmuh hmaisa bikmi chawva cu Pathian caah le misifak bawmhnak ah hmang ve hna uh sih law mah cun kan lam zong a tluang deuh hrimhrim ko lai.

Note: Mah hna nupa hi an lar ngai cang. Capo phun video tawi tete in an i tuah lengmang i atu cu fb follower zong million 1 leng an nei kho cang. An video a zohtu le bang cu million tampi an phan. Hi hna chungkhar zong video tawi tete an i tuahmi chung in an hmuhmi chawva in miharsa bawmhnak an tuah colh ve. Cawn awk tlak an si.Van Tum

Be the first to comment

Leave a Reply

Your email address will not be published.


*