Kawi ziah a tuan tuk rih lo maw?

Kawi ziah a tuan tuk rih lo maw? Kan i ruah tti tawn hna mi kan saduhthah hmanh a tlin rih ttung lo!!”. Na thaisung le na fal nih na thawng an ka hal mi zeitindah ka rak leh hna lai???

Unau chuak ti khat bantuk in kan um tti. Hmun khat kan um tti lio ah kan ngeihmi paoh kan rak i hrawn hna. Changreu per khat hmanh unau tingzao in kan rak i cheu hna tawn kha…

Ziah na philh maw!!! Kan umnak i dang hmanhsehlaw dam te’n kan i tong than te hna lai kan rak i ti len hna kha”!!

Atu tiang na kan liam tak kaa zumh kho hrim lo. Hmunkhat ah um tti hna usihlaw cu atu bantuk thil hi kan tong hraw hnga lo dah tiah ka thinlung nih a ruah peng rih ko e.

Unau chuak khat bantuk in kan i daw i pakhat le khat kan rak i cawnpiak tawn kha. Kei nih ka si khawh tawk kan chimh hna mi le cawnpiak hna mi tu cu a tlam a tling manh hrim lo mu.

Nang bel nih cun na thih hnu zong ah na kan cawnpiak ta khawh e, “Pumsa thihnak hi thih taktak a si lo. A kan liam tak chung mi kan hawile nan thih ahhin a rak ingtuar mi na hawile kanmah pawl tu hi nungna in kan rak thi ve timi mu”.

Kannih Khrihfami nih cun, ” Kan taksa pum kan thih hi kan thih taktak a si lo. Zungzal nunnak hram kan i thawk tu a si” ti kan zumh caah, cuticu cun i kan rak i hnem ko lai mu. Vamram nuam tuin rak kan dong te law.Tuan tuk i na kan kal tak chung mi tu cu kan i lungsi bak lo mu…RIP Crd-Elbert Pileeki

Be the first to comment

Leave a Reply

Your email address will not be published.


*