Kan umnak vawlei hi sifah retheih le zonzainak in a khatmi vawlei asi.

Kan umnak vawlei hi sifah retheih le zonzainak in a khatmi vawlei asi.Culak ahcun zungzal a hmunmi le zungzal in anungmi Pathianfa kansimi hi mi van
thabik kansi nak cu asi.
Khualei ahcun kannu le kanpa hna nih lo anthlawh thing an phorh bute in ankan cawm sianginn ankan kaiter.

Khuapi chung kanphak tikah kanmah nak in a rum deuhmi kanhmuh tikhna ah kan hngar hna i mi vanchia bik ah kan rak i ruat.Asinain mi vanthabik kan raksi kha kanni hngallo caah asi. Kannih cu a nungmi, zungzal in a hmunmi Pathian fa kansi.
Ramthum nak a phan cangmi kanmi phunhawi le kan unau kantu le fa hna kan khuami hna zong mi vantha taktak nansi.
Nunhrin covo a ngeimi nansi.
Nan Cozah nih nu le pa taktak bnt in tuanvo annin lakmi hna nansi.

Sihmanhsehlaw zalontuk in maw um suallai u cih. Nan pawngkam i nan unau asi fakmi le a chambau mi zohkhenh le kilkawm ding kha Bawipa nih natuanvo anpek mi na sikha philh hlah.Mirang cu an duhnak a tling tuk cang le Pathian mithmai ankawl tilo i, vawlei pumsa duhnak caah an caan a hmangmi antam tuk cang.

An tamadah tiang hmanh nih nuhrin covo le pumpak zalonnak a tanhtuk nak ruangah le me hmuh a duh ruangah an pupa hna nih Bible ningte in phunghram anrak sermi hna cu anbauh riangmang i,mahduh poh in nau thlakhawh asi timi phunghram anser piak hna. A poi taktak.

Lailei khuapi metingah vok thlah maw atha deuh vok erh dah anti le vok erh cu a tha deuh anti cio.Kutthlir siseh anti le vokthlah nih a tei tibantuk asi.

Pumsa duhnak cu hell lei kalnak lam asi i Pathian duhnak cu vanram lei kalnak lam asi.
Vawlei caan a nai chin lengmang i Bible ca a tling chin lengmang. Khuazei lam dah naithim lai
Joshua nihcun,” kei le ka inn
chungkhar dihlak nihcun Bawipa rianlawng kantuan zungzal cang lai,” tiah ati.Bawipa nih pumpak zalonnak a kan pekmi cu mah tein duh thimnak asi.

Cu caah leidip in a kan cawisang tu cu Bawipa asii Bawipa duhnak tuahcu kan duhnak nganbik ah siter i zuam hna usih.CRD-Mosesthlacung Mosestthlacung