Kan ram phaisa man a zor, chiah sawhsawh ahcun a man a zor chin kho i sungh dih sual a fawi ngai.

Kan ram phaisa man a zor, chiah sawhsawh ahcun a man a zor chin kho i sungh dih sual a fawi ngai. Phaisa ngei tampi cu sui, dollar, innhmun le inn cawk in an phaisa an ven cio.

Kei zong vawlei ai telmi inn maw ka cawk lai or condo dah timi ah caan sau nawn ka rak i laklawh ngai ve. Condo cu pakhat ka ngei cang ko caah tiah thlahnih leng cu lung-chin inn cawk ding ka kawl. Nain, tulio kan ram boruak zoh in lung-chin inn cawk ding cu tihnung deuh, fir le thahnawn a tam tuk hlei ah Kawlmi he naih tuk in inn sang tete ah i cawh khi ka uar hoi lo. Hi ruang ah security thami, facility a tlingmi le privacy a ummi condo ka uar deuh than. Laimi 80% nih cun lung-chin inn kan uar deuh ko lai nain.

Nai hrawng cu Yangon ah condo tam ngai ka zoh. Yangon Laimi kan tam biknak Hlaing Thiri Innya pawng ummi GEMS Garden Condo ah inn pakhat ka uar ngaimi ka hmuh i tuni kha ka cawk ve.

Mipi nih zumhmi cozah tha kan ngei hlan chung cu kan ram phaisa hi zei dirhmun a phak lai chim khawh a si lo caah aman azor lo dingmi pakhat khat (innhmun or inn tbk) i cawk ah a tha ko. Hakha ah cun inn cawk ding tih a nung (an i kap sual cun a kang kho) deuh rih ko lai nain Yangon, Mandalay le Naypyidaw tibantuk ah inn or innhmun cawk in phaisa phum chung cu a sunghnak a um theng lai lo tiah ka ruah.

Sawmnak: Tilio a huammi raka leng te u, free tein nan tha dih tiang nan i lio lai.Crd-Salai Lungthli Tum

Puaisa an tuan khi a fawi bak lai lo.Nikum thawk khan ‘a tang lam in Malaysia kalnak puaisa kan tuanti lai, rat a duhmi an tam tuk i a miak tuk, thlakhat ah ting thong in kan ngah lai’ tiah aka sawmmi tampi an um. Zahan nai zong ah pahnih thum nih an ka sawm, nain ’ka tuan kho ding phun a si lo’ tiah ka al hna.

Upadi tang ah business license he ningcang tein visa kan sawk piak hna hmanh ah anmah duh ning in thil a kal lo caan ah Laimi tam deuh cu ‘Facebook ka post lai, Lai media ah ka phuan lai, palek sin ah kan taing hna lai’ tiin sullam umlo mi tlerh le thangchiat a tam tuk. Biafak a ing kho pah lomi caah cun ngahmi zat le intuarmi zat ai rup lo, lungthin a buaimi a fak deuh tawn.

Upadi tang rian kan tuan lio hmanh ah khitluk complain le thangchiat a tam ah upadi he ai kalhmi puaisa cu kei tuan sual ninglaw kai thupnak ding hmunhma hmanh a um hnga lo, ek inn ah tlak sual bantuk a si hnga. Ka ngamh phun a si bak lo.

Cun, mi tampi lungthin ah puaisa pawl khi zeibantuk retheihnak hmanh um loin phaisa tampi an ngah tiah kan ruah hna, cucu a dikmi a si lo. Tulio puaisa tampi khi zaran nih kan intuar khawh lomi lungretheihnak le thangchiat nak phuntling an ing ve, a fawimi rian a si lo. Hi ruang ah thangchiat a ing kho i a lungthin a thawng bakmi lawng nih caan sau an tuan khawh khi a si.

Be the first to comment

Leave a Reply

Your email address will not be published.


*