Kan Ralkap CNA/CDF pawl zong Raldoh nan van thiam chin lengmang i kan i lawm.

Kan Ralkap CNA/CDF pawl zong Raldoh nan van thiam chin lengmang i kan i lawm.
Ral nan doh hram nan rak thokka lio hrawng ah zei tuaktaan lem loin kah thlorh in nan rak kah i, kuan tlawmpal ah adih ti in, tlikzaam lawngte arak si kha mu ,

A tu ahcun “KUANFANG PAKHAT RALHRANG PAKHAT” timi Strategy kan ngei cang tiah CNA kan ralbawi Htet Ni nih achim mi ka theih le keimah lawmh in ka rak i lawm taktak.. Phaisa duhpoh in an sawksaam tuk ti la loh hih ka ti. Ral zong tam deuh an thah khawh cang lai ti zong khi ruahchannak aum.. Crd-Hniang Tha Ceu

Chin Khrihfa nih thlarau minung kan tahning hi tampi aa palh tawn!Mi tampi nih kan ruahmi cu Jesuh Khrih a zummi, hrinṭhanmi cu hitihin an um lai. A mithmai a panh lai i a ni zungzal lai.Holh nemtein le ding nawntein a holh lai.

A kalning hi kun butein le duhsahtein a kal lai. Chimmi bia paoh hi “e, um, asi” tiah a ti lai.Daitein le holh lo tein a um lai.
Mi chawnh biak aa rep lai i a thiam lai.Mi zapi he a umṭi, aa hawikom kho lai.A thlacam a aw thang lai i a sau lai. Suit, zal/bag le thilpuan ṭha le Bible he a um lai. A laam lai i, a kut vanlei ah a thliar lai. “Hallelujah! Amen” tihi a chim lai.

Tiin lenglei minung ṭhatnak in hrinṭhan hi tam deuh nih tah asi i, cubantukin ka hrinṭhan ai timi hna zong nihhin cu nun cu icawn i thaba ngai in ihnek asi.

Mihmai, Khrihfabu le rianṭuannak ah rethei ngai in kan ihne i kan inn kan phak hnu kan nupi/pasal, kan fale le kanmah lawng ihnak khaan ah kan um lio ahcun cakei hi kan lo tawn. Hihi aa palh ngaingaimi Khrihfa nun asi.

Khrihfa nun, hrinṭhanmi hna an thinlung put le an nunning hi a cunglei ka ṭialmi he aa ralkah taktak!

Tahchunnak ah Thiang Thlarau in a khatmi Paul le Khrih zultu hna khi an mithmai panh caan le an inuamh caan a tlawm. Jesuh Khrih lila hmanh hi biatak le minung sual ruangah a thin a hung tawn.

Hrinṭhanmi nun a tam deuh cu
Thleidanmi an si i, vawlei he ihawikomh lo i taksa duhnak le mahlemah iuk khawhnak hna hi an ral nganbik asi.

Nawlngaih nun, ngaihthiam nun, toidor nun, harsat nun, mitthli tlak nun, temhtuar nun hna hi asi.
Zumhawktlak nun, biatak le dinnak a ngeimi nun, zaangfahnak le zawnruahnak nun, dawtnak nun te hna hi asi.Mahlemah duhnak, siaremnak le sining hna hlawt i Khrih nih hruainak hmun kip ah kal te hna hi asi.

Khrih caah nun i Khrih caah thih te hna hi asi.Mah sunparnak le minthannak kawl loin kan tuahmi vialte ahhin Jesuh Khrih sunparnak pek hna hi asi.Cun Pathian hi kan sining dihlakin dawt asi i midang zong kan ral asi hmanh ah dawt ve asi.

Bawipa nih serhnawhchan kawl in a pennak kauhnak rian ah ipek/tel asi.Thiang Thlarau laksawng comi hna iṭhutpi, ichiah sawh men asilo hman i Satan ral doh asi. Khrih ralkap kan si i nifatin hriamnaam aa put i Satan ral domi kan si.Khrih zultu tampi ser i a thawngṭha chim in karhter hna hi asi.

Cun nifatin Jesuh Khrih he a bia le thlacamnak in ihawikomh hna hi asi.Miphun le ram caah le vawlei pumpi ca ahhin taksa temtuar ngaiin rawlulh in mitthli he thlacam i ṭah te hna hi asi.
– Mah innchungkhar nupi/pasal le fale hna hi Khrih lei ah lam sialpiak le thluachuah hal piak hna hi asi.

Khrih salṭha hna, hrinṭhanmi hna hi nuamh caan, nih caan, capo tuah le biasawng tlolh caan, vah caan, mithmai panh caan le midang he ihawikomh caan hna hi a har khun.

Hrinṭhanmi hna cu taksa, thinlung le thlarau in Khrih muisam lawh asi i Khrih nawlngaih hi biapituk asi. A nawlngaimi hna cu Khrih caah rianṭuan ding tampi an ngei zungzal. Asinain minung tampi nih kan ruahning le kan hmuhning hi lenglei in kan zoh/tah tawn hna. Hihi aa palh ngaimi asi.Crd-James Vanneilian

Be the first to comment

Leave a Reply

Your email address will not be published.


*