Kan ralkap CNA hna an i nuamh le an lung a thawn khawhnak ding ca ahcun kan ralbawi a simi hna (bawino in Lt Colonel)vialte hna nanmah Leadership cungah tampi aa hngat ve lai!!.
A cheu cu 2021 hnu in Bawi a tuanmi nan tam tikah,ningcang loin power hman a fawi te,Camp victoria um lio le Camp dang um tikah a lungput aa dangmi ralbawi kan um sual lo ding zong a biapi hringhran lai!.
Kan ralbawi a simi Lieutenant Colonel Lal Bik Thang hi,a hruaimi hna a nau le cheukhat pawl nih a ralkap a daw tuk tiah a kong an ceih ngaimi ralbawi pakhat a si tiah ka theih pah theo tawn!!.Crd.Salai Tial Thawng
Yesagyo Peng Khua Pakhat SAC Nih An Khangh Caah Inn 30 Leng A Ciam.Magway ramṭhen, Yesagyo peng Nayin khua cu SAC ralkap nih an khangh caah tualchung mi hna an umnak inn 30 leng a ciam tiah Yay Lay Kyun phu in ṭuanvo ngeitu pakhat nih a chim.
February ni 26 ah Yesagyo peng Minkhua ah umhmun khuarmi SAC ralkap le pyusawhti phu hna nih Nayin khua cu luhhnaeh in an khangh tiah theih a si.
“Tualchung mi aa hliammi cu an um lo, Nayin khuami hna cu ralhrial in an umnak a sau cang. SAC ralkap nih khuachung an khangh caah inn 30 leng cu dapcaam ah a cang” tiah Yay Lay Kyun phu in ṭuanvo ngeitu pakhat nih a chim.
SAC ralkap nih Nayin khua cu a hlan ah rallam sial in an rak luhhnawh bal cang caah, khuami hna cu 2022, July 26 in an umnak hmun kaltak in ralhrial dirhmun an phan tiah theih a si.The Chin Post
Leave a Reply