Kan nih Kawlram ṭhang pawl kan ca’h ah cun Copy bak in rampi huap in a ṭhangmi kan si hna ca’h Lai hla zong copy a rak um len ve

Kan nih Kawlram ṭhang pawl kan ca’h ah cun Copy bak in rampi huap in a ṭhangmi kan si hna ca’h Lai hla zong copy a rak um len ve “ Copy “ hla cu an sa cio kan sa cio Nain A tu ah cun Lai hla thar bak ah copy hi cu ngaih awk a um lai ka zum tuk lo.

A tuah zong an huam ti pek lai lo
“ Ra u law…” ti mi hla le “ Ka Nau “ ti mi hla kha a nai bik “ copy “ hla ka ngaih khawhmi a si ka theih bak khin ka khuasiksaisem zong chuak dih.

Cover song hi cu mi ram dang hla pawl cu copyright ṭha te’n an tuah dih ca’h kan sak piak hna a si ah cun an mah hlawk nak tho tho khi a va si ko.

Kan Lai hla bel ah cun copyright tuah lo mi a tam deuh ca’h hlaphan tu nawl hal ta hmasa in hlaphan tu upat pek nak te he hlaphan min hi ṭial chih zungzal awk khi a va si hnga Ka ek ka ek pah in ka ṭial mi si i ka palh ve kho men ka hnawn ṭhan colh te lai.Crd-Pa Ling

Tuanpiaktu Hi Aa Lawmmi An Si!
Marka 10:45 Jesuh nih,” Zeicahtiah Mifapa hmanh hi,riantuan piakmi si awk ah ka rat ttung lo,midang rian ttuanpiaktu siawk le mitampi tlanhnak ding ca i ka nunnak pek awkah pei ka rat cu,” tiah a ti.

Jesuh zultu hna an buai. Rengsan an i cuh. James le Johan nih an nu bawmhnak in rengsang hmuh an timh. Mibu lak ah rengsan cuh hi a um lengmang. A donghnak ah tthennak hna a chuak tawn. Ralrin a herhmi a si.

Jesuh nih an karlak buainak daihter ding ah a cawnpiak hna. Mi Fapa a timi hi Amah kong a chim tik ah aa kawhnak a si. Kan fale nih an kong an chim tikah “tami” “ta” ti an hman he ai lo ngai.

Persian nih, “Kedan ka ngeih loruang i ka than kha, ke bulmi ka hmuh hna tiang a si,” an ti. Minung hi kan hmuhmi thluachuah hna kha philh in kan harnak lawng hmuh in um kan hmang. Jesuh zultu hna zong hi Jesuh zultu an si kha philh in minung mithmuh rengsan an i chuh.

Minung lak ah a lawm cemmi hna cu mi a bawm khotu, mi ca rianttuan piak khotu le a ttuan taktak mi hna hi an si. Midang nih ttuanpiak ding lawng a bawhmi cu an i lawm kho lo. Tlam a tlin tik cu lung dongh deng hnu ah a si tawn. Ai lawmmi hna cu zeibantuk rian ttha dah ka ttuan lai i ka minung hawi ka tthat hnem khawh hna lai, ti a ruatmi le a ttuantu an si.

Jesuh zong hi nifa te in midang rianttuan piaktu a si. Midang caah nunnak a hmangmi hna hi an i lawm. Khrihfabu chung zong ahhin ai lawmmi le Khrihfabu a tlaihchanmi hi ai lawmmi nan si ko. Nifa kan nunnak ahhin zeirian ttha dah ttuan ding a um i ka nu le ka pa, ka u nau, ka Khrihfabu le ka pawngkam caah kei hi san ka tlaih lai ti ruat in nun hi nun duhnung le aa lawmmi sinak a si ve ko.Bil Hmung

Be the first to comment

Leave a Reply

Your email address will not be published.


*