Kan dothlennak le kan raldohmi hi ngawl awk kan that ti hna lo caah hmaikum zong tukum nakin tan deuh le cawlcangh deuh chin kan hau rih ko hna lai!!

2021 ralhrang nih hranhram in uknak a lak hnuah kan miphun dohthlennak ca le humhimnak caah tiah CNF/A nih Emergency National Security Fund (ENSF) a ti I,minung tampi nih kan thawh hna!!

Mah hnu in National Security Fund (NSF) an ti than I,thlakhat $100 in thlaruk chung minung tampi nih kan thawh hna,ral kan tuk cuahmah lio le kan ral zong a zual chin lengmang caah ngawl awk kan tha lo I, National Security Fund (NSF) cu thlakhat $100 in thlariat chung minung tampi nih kan thawh hna,a tu hi tukum chung ahcun a donghnak bik thla a si!!

Mah pinah CBCUSA nih an hrihawhmi 10million Project ah nan khua cio in $$ a thongthong in nan thawh hlei ah Vaurawng tibantuk Tlangau zongah a zaza in nan pek rih, minung nih an in philh piak hna zongah na ram le na miphun nih cun an philh piak hrim hna lai lo.

Kan dothlennak le kan raldohmi hi ngawl awk kan that ti hna lo caah hmaikum zong tukum nakin tan deuh le cawlcangh deuh chin kan hau rih ko hna lai!!

Pumpak in Nan thawhmi phaisa vialte hi,nan thawhnak Chinland Club local riantuantu upa hna sinah nan thawhmi zatning cio in nan min tha tein kenkawi piak nan si hna,nan duh tik paoh ah hal khawh an si peng, RC upa sinah Direct in na kuatmi zong hal khawh peng an si!!

A tutan kan dohthlennak cu a Pengtlang zongin langh can a si I khua cio zongin cawlcangh can a si,hawi Pengtlang le hawi khua hna nih $$$ a tingting in heh tiah dothlennak ah an i tel I an cawlcangh lio ah kan peng kan khua kan min aa tel ve lo ahcun kan miphun hawi hna hmai kan khap te sual lai maw!!Crd-Salai Tial Thawng

Be the first to comment

Leave a Reply

Your email address will not be published.


*