Kan Caah San Atlai Kho Thil ah Ka Ruah Mi

Luh chuahnak innka lawng hi a za hrimhrim lo. Khur chung hin zeimaw thilri (tuhmui, namte etc) ichiah chih ding asi. Khur chung kan um lio ah leivor nih luh/chuahnak a chilh sual tikah hman ding caah abiapi. Cun, emergency thil ah khur chung in leng oxigen dawp khawhnak dingah luh chuahnak zawn asi loah kap khatkhat ah rubber timerh bantuk khi vuah dih i zeimaw thil acaan sual tikah lenglei oxygen dawpnak ding ah a herh.Crd.Ceuuk Ceuuk

Monywa Khuachung Zung Pakhat Ah SAC Ralkap A Thli In Kah An Tong, 3 An Thi.Sagaing ramṭhen Monywa khuachung kah-ngiah-nah(ကညန) zung ah umhmun a khuarmi SAC ralkap hna cu a thli in kahdoh an ton caah SAC ralkap 3 an thi tiah Chindwin Attack Force in ṭuanvo ngeitu pakhat nih a chim.

February ni 16, zan suimilam 9:50PM ah Monywa khuachung kah-ngiah-nah(ကညန) zung ah umhmun a khuarmi SAC ralkap hna cu tualchung hriamtlai phu nih a thli in an kahdoh hna caah SAC ralkap 3 cu hmakhatte ah an thi, cu hnu ah kaphnih kar minutes 5 hrawng kahdohnak a chuah hnu ah SAC ralkap lei bawmtu tampi an thlah hna tiah theih a si.

Monywa khuachung SAC ralkap a dohtu hna cu Monywa pengkomh tualchung hriamtlai phu (Chindwin Attack Force) battalion 2, battalion 3, battalion 4, Special Commando Force(Monywa The Boys), Speciwl Investigation Operations Force(Chindwin Attack Force) le Spring Dove phufonh nih an kahdoh hna. Tualchung hriamtlai phu lei hliamhma tuarnak um loin hnu an tolh kho tiah theih a si.crd.The Chin Post