Kan bia tawi ko seh: Media na si pek dia lo na si pek na ralkap na dawt i an nun him seh ti na duh a si cun na kut tawi seh, na hmur sau hlah seh.

Bia i sum in dothlennak ah kan telpi ve.Tu lio cu kan theih cio bang in Hlaing bawtor nih hmunhma chuh i tim in CNA, CDF a kan nor cuahmah.

Thih loh le hliam tuar zong kan um pah. A ralhrang thazaang a chap hna lawng si loin a hnu cem kuan ah aa chiah mi vanlawng siseh, Helicopter siseh a hman cuahmah cang. Atu nakin a hman deuh chinchin thluahmah te lai.

Kan bia tawi ko seh: Media na si pek dia lo na si pek na ralkap na dawt i an nun him seh ti na duh a si cun na kut tawi seh, na hmur sau hlah seh. Na tuah hlan ah ruat hmasa, tuak cikcek hmasa ta…

Vawlei ralpi II (World War II) lio ahkhan, “British Intelligent nih Germany (Nazi) pawl i raltuk nakding an i timhtuah mi kha tuan piin an rak theih cia dih cikcek. A sinain, kan theih ko, kan ral an sining an i timhtuahnak kan hngalh ko timi lungput ngeih lo, i uanthlan pi loin an hmur an cip, an kut an thuh. A caan caan ahcun an theih komi an hngalh komi zong theihter lo le i hngalhter loin an rak um i teinak ngan taktak hlawhtlingnak ngan taktak zong an rak hmuh” ti a si.

Chim duhmi cu, tuchun i Social media ah a linsa taktak mi, “CNF/A Headquarters vanlawng in kah a timhnak media a langhmi,” kha hmur sau ruang le kut thuh khawh lo ca ah a si.

Zei kan ti hnga, online catial nan si ah media nan si ah zatlang phu nan si ah bia hi kan sumpiak hram ko uh. Mah tihin cun nan ralkap nan mipi hi, mipi nih nan kan thah lai.

Bia kan sumpiak hram uh. Mipi theih awk a herh mi cu tuanvo ngei kan pule nih an in thanh te ko hna lai mu…

Hriam naa tlaih lo hmanh ah, bia i sumnak in siseh, thlacamnak in siseh, na chawva in siseh, na tirawl na inn lo in siseh dothlennak ah kan telpi ve.Crd-Salai Tluangte

Be the first to comment

Leave a Reply

Your email address will not be published.


*