Kalnak le umnak ngei loin zarhkhat chung lam sir ah a riak.

Kan miphun hawi pakhat Yangon a rak phan. Mawṭaw gate i misual taxi a hlan mi nih a thilri vialte an lakpiak dih. A vuak zong an vuak.

Kalnak le umnak ngei loin zarhkhat chung lam sir ah a riak.
Rawlṭam buhri in, lam ah kawl miṭha nih an char. Kawl Group ah an thanh i, ka phone an hmuh i an ka chawnh.

Atu kan sinah himdam tein a rak phan cang. Thinpang le ngaihchia ngai in patling a um.

Mifelte a si. Kan campus ah hight school a sianginn kai hawi a um fawn. A tlunnak ding lam kan timhtuahpiak lai.

A khuallam caah Phaisa 1,50000 van bawmh khawh a si.

Mindat mi a si nain, lai holh a thiam. Hakha ah saupi khua a rak sami a si. Ka zaang a fak ngaingai.

Ramhar lioah Pathian nih himdam tein kan sin a phakter caah kaa lawm ngaingai.

Atulio ram har lioah Kan Chinmi har a tongmi paoh caah, kan inn kan on. Thawngthanh khawh kan si. 14 Nov 2022 𝗧𝗵𝗮𝘄𝗻𝗴 𝗧𝗵𝗮 𝗧𝗵𝗮𝗻𝗴

Zeibantuk Minung dah na si?
Ngaknu pakhat nih a pa sihah cun, “Ka pa zei kan tuah hmanh ah a tlam a tling bal lo” tiah lungrawk ngai in a chim. Apa nih cun coka ah a kal pi, Lungthu pathum a ser i bel pakhat cio a khin ti a tlawh ter. Cu ti atlawk thluahmah mi chungah cun Aalu bel khat ah a thlak. A dang bel khat ah Arti a thlak. Bel a taang mi ahcun phanchoh a thlak ṭhan.

A tlawm pal a tlawh hnu ah mei cu a hmih dih. Kheng cungah Aalu cu a chiah, cun arti a chiah cu hnu ah Hrai ah phanchoh cu a tlen hna. A fanu cu pakhat hnu pakhat a teh ter. A fanu nih Aalucu darkeu in a tongh i a man dih. Arti cu a hak ngaingai. Phanchoh cu a teh i a rim a hmui ngaingai. Ka pa zeidah na duhnak a si? tiah a hal. A pa nih cun “Titlok he an i ton hlan ah a hak ngai nain Aalu cu a nem dih ko. Arti cu a kuaifawi mi a si nain chumh hnu cun a hak taktak cang. Phanchoh tu cu a lengah a hak ngai nain aa samh dih i a hmuinak a chuak. Cu bantuk cu minung zong harnak kan ton tikah kan si ve. Nang zeibantuk minung dah na si? tiah a leh. Crd.

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo (Phungchimtu 7:14).Crd-Mah Azi

Be the first to comment

Leave a Reply

Your email address will not be published.


*