Kalaymyo Ah SAC Ralkap Nih Pyituhsit Sin Ah Cycle 120 An Pek Hna!

Kalaymyo Ah SAC Ralkap Nih Pyituhsit Sin Ah Cycle 120 An Pek Hna!

Kalaymyo ah SAC ralkap nih anmah lei a ṭangmi pyituhsit pawl sin ah nizan August 19 ah motor cycle 120 an pek hna, tiah SAC kong thawngthanhnak a tuah tawntu telegram le social media hna nih an ṭial.

Kalaymyo Regional command headquaters Aung San Hall ah nizaan August 19 ah biaruahnak an ngeihpi hna i motor cyecle(125/110) cu an pek hna, tiah theih a si.

Cu bantuk in nihin August 20, Magway ramṭhen, Pakokko peng zong ah Pyituhsit hna cu SAC ralkap nih motor cycle an pek ve hna, tiah SAC ralkap lei ṭangmi telegram nih an țial.The Chin Post

Cheuhra Cheu khat  Kong Tehte Khannak.A liamcia kum tampi ah tlangval kum 16 minung cu apa a si a fah tuk caah azohkhenh kho ti hna lo i an inn in a chuak. Cu khuate pa cu khuapi a hun phak tikah, rian hmuh a har zia kha a hmuh.

A hnu bik i a nu nih bia a cahmi te kha aa thei cun lawng aa cit lio i captain pa nih Pathian lei kong bia a cah mi te zong a hun i thei. A nunnak cu Pathian sin pek ding le a hmuh mi cheuhra cheu khat cu Pathian ka pek hrimhrim lai tiah biakhiahnak a tuah. Saphiat sernak dawr ah a ṭuan(saop) i a voikhatnak phaisa a hmuhmi chung in cheuhra cheukhat cu a zuh i Bawipa a pek. Cuti cun a pek peng.

Ahnu ah cun tlangval pa cu a hawi he saphiat zuarnak dawr an tuah, a rauh hlan ah a hawipa cu a thi i a mah cu dawr ngei ah a cang. Atu cu dawr nganpi a ngei mi ah a hung si cang, a cazin tlaitu kha cheuhra cheukhat ṭhate pek ding in a chimh. Khuaruah har in a thil tuahmi cu a hlawh a tling. Mifel pa nih cun, a cheuhra cheu khat lawng si lo in cheuhra cheu hnih a chiah, cun cheuhra cheu thum a chiah, cun cheuhra ah cheuli a chiah, a hnu bik ahcun cheuhra ah cheu nga a chiah.

A rianṭuanmi cu a hlawh a tlin chin lengmang caah a saphiat tuahmi cu vawlei cung hmun kip ah a phan.Amah cu William Colgate a si, Colgate-Palmolive company ngei tu a si. Pathian i zumhawk tlak saltha a si.AnonymousCheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh.

Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti(Malakhi 3:10).Mah Azi

Be the first to comment

Leave a Reply

Your email address will not be published.


*