Kalay Myo Ah SAC Ralhrang Nih Mipi Inn An Khangh Lio Ah PDF-Kalay Nih Mine Bomb Pa 4 In An Doh Hna I Minung 15 Nak Tam An Thi

Dipa [December] 08, 2022_CCN Channel Kalay Myo, Indai sang ah SAC ralhrang hna nih December 7 chun ah mipi inn an khangh lio ah PDF-Kalay nih mine bomb 4 in an doh hna i ralhrang 15 nak tlawm lo an thi tiah PDF-Kalay nih cathanh an chuah.

Mine in an doh hna lio ah ralhrang lei minung 15 leng an thih leeng ah hliamhma tuarmi zong an tam tiah theih a si. Hliamtuarmi hna hi mizaw motor (Ambulance) pa 2 in an rak laak hna tiah theih a si.

Ralhrang hna nih bomb a puahnak pawngkam ah minutes 10 hrawng an kah hnu ah khuahelnak lam in an kir i an riak tiah theih a si.

”Mine puahnak pawngkam ah a um ve mi mipi pa 3 hliamhma an tuar ti thawng kan theih i kan lung a ṭha hrim lo. Nan kan ngaihthiamnak lai zaangfah kan in nawl ko hna,” tiah PDF-Kalay nih nawlnak ca an chuah.Source: Zalen