Kalay in Falam lei a kal mi thil phor motor Council ralhraang nih an tlaih i a mawngtu an thah

Kalay in Falam lei a kal mi thil phor motor Council ralhraang nih an tlaih i a mawngtu an thah

April 15, 2022 Sagaing Ramthen, Kalay in Chin Ramkulh Falam lei ah a kal mi thil phor motor ngan pakhat cu lampi ah Council ralhraang nih an tlaih i motor mawngtu an thah, a motor le a chung thilri an laak tiah theih a si.

Hi kong he pehtlai in Falam Peng mizapi ralkap CNDF chungtel Salai Cung Ngai nih, “Kalay in Falam lei ah a kal mi thil phor motor ngan pakhat cu lampi ah an tlaih. Motor a mawngtu pa an thah i lampi ah a ruak an khangh. A motor le a phorh mi thilri an laak dih,” tiah a Facebook cahmai ah a langhter.

Motor cung ah aa cit mi chung in a mawngtu pa hi an thah i, a dang a hnuzultu motor cung a cuang mi pawl bel atu tiang an konglam theih a si rih lo tiah theih a si.TheHakhaPost

Be the first to comment

Leave a Reply

Your email address will not be published.


*