Kahdoh nak fak a chuah nak hmun Mawngdaw ah Fimcawnpiak tu cozah riantlai har nak an tong.

Kahdoh nak fak a chuah nak hmun Mawngdaw ah Fimcawnpiak tu cozah riantlai har nak an tong.

August 27 AA le SAC kar kahdoh nak fakchin in kalpi a si lio nak Mawngdaw khua chaklei dir hmun ruang ah fimcawn piak tu cozah riantlai hna cu mipi hna he anzam nak ah lamlak ah hmainor kho ti lo in an i tap tiah Saya/mah hna nih an chim.

Hi azam mi Fimcawnpiak tu Cozah riantlai hna hi zahan kahdoh nak a chuah nak hmun Mawngtaw, Minkha Mawng le Khamawng Seih khuate lei i riantlai lio Saya / mah le Cazi hna an si tiah theih a si.

Tu dirhmun ah Cingchawng gate cu lonh kho lo in Mawngdaw chaklei motor lam awr ah an i tap tiah Minkha Mawng fiamcawn nak lei riantlai Saya pakhat nih cun a chim.

Nihin ziing suimilam 6:00 in minung (10) nak tam cu kahdoh nak a zualchin caah zaam cu a si i motor lam awr ah um rih a si. Cingchawng gate lonh ansianh lo tiah kan theih i zeiti tuah awk kanhnal lo tiah a chim.

Hi fimcawn nak lei rian tlai hna hi Yatehtaung ၊ Kyauhdaw ၊ Minpia ၊ MyauhU myone i a tuanlio mi hna an si tiah theih a si.

Mawngdaw chaklei khua hna in Mawngdaw khuachung kal nak motor lampi cu SAC hna nih July 18 ni thawkkhan a tu tiang umkal nak kong ah rikhiah nak an ngeih caah har nak anton hna cu a si.

Chaklei Mawngdaw Khamawng Seih le Minkha Mawng khuate hna ah zahan august 26 ni ah kahdoh nak fak a chuak i khuami thenkhat zong ral an zam i Minkha Mawng in khuami (4) hna cu SAC tlaihkhih an tong.

AALe SAC hna kar kahdoh nak cu azualchin lengmang ko i SAC lei nih lampi hna cu phihkhar nak le khuami hna cu tlaihkhih nak an ngeih hna tiah theih a si.Crd-LKZ News

Western News-WNfx Photo-Western News Mawngdaw Minkha Mawng le Khamawng seih khuate lei in ral azam mi hna.