Ka U Pa Rung (Pu Rung Ling, Leitak) nih mual akan liam tak

Ka U Pa Rung (Pu Rung Ling, Leitak) nih mual akan liam tak ti ka theih ka ngeih achia hringhran. Amah hi kum khua cun kan ni thlua ngai te nain, Laiphung kal ning cun Ka U asi.

Kanmah Thangngat Chung, Lian Bawi hrin, hi Zophei ram ti aputnak le mei azaamnak Leitak khua atla tu kan si na in san kan tlai lo, Leitak khua saupi kan hngak kho lo. Ka U Pa Rung hi kan u le kan pa hna lak ah asau bik akan nun pi tu tiah kan lawmh tawn. Atu cu amah zong akan liam tak ve cang. RIP Crd-Lian Hmung Sakhong

NA KA DAWT LO CUN KAN DAW VE TI LAI LO.Caan tampi ah kan fale sin ah maw ngakchia dang sin ah maw kan chim ṭheo tawnmi cu  Na ka dawt lo cun kan daw ti lai lo.Na ka dawt lo cun kan kaltak lai.» ti hi a si. Cucu tuaktan lem loin capo phun in kan chim sawh tawnmi a si ko nain a herh bak lomi capo an si.

Ngakchia hna nih an kan dawt khawh nakhnga ding ca ahcun lam pakhat lawnglawng a um i pakhat taktak lawng bak a si. Cucu «Hung ka daw.» tiah fial le «Na ka dawt lo cun kan daw ve lai lo.» tiah ṭhihphaih khi a si lo. KANMAH nih ANMAH DAWT khi a si. Minung nih Pathian kan dawt khawh cu Pathian nih a kan dawt hmasa caah a si bantukin fale hna nih nulepa an kan dawt khawhnak ding ahcun nulepa nih kan dawt hmasa hna a herh.

Na ka dawt lo cun kan daw ve lai lo. ti a sullam cu Hung ka daw hmasa law kan dawt lai. ti khi a si. Kan hei capo sawhsawh hnanak bia a si ko lai nain ngakchia nih an ka capo ti kha a hngalh lo tikah «Aw, ka nulepa hi ka dawt hmasa hna lo cun an ka daw lai lo hi ta.» ti kha an ruat i dawt hmasa kha anmah rian ah an chiah tikah an thinlung a rak rit tuk ti a si.

Ngakchia cu kan dawt hnanak kha kan hmurka le tuahsernak in tampi kan langhter i an sinah kan thlum al a si ahcun ngakchia zong nih an kan dawt ve i an kan tlaihchan ko. Kan dawt hnanak kan langhter ṭung lo i Na ka dawt lo cun… tiah kan ṭhihphaih hna a si cun kha kan ṭhihphaih hnanak nih dawtnak cawnpiak loin ṭihnak tu a cawnpiak hna i si hna seh ti kan duhmi hna he aa ralkah tuin an um chin. Cucaah capo a si ah maw biatak a si ah maw ngakchia ca i a ṭha lomi thil hi cu hrial khawh i zuam hna usih. Dawt hmasa cu nulepa/upa kan rian a si.Crd-Roro Fambawl

Be the first to comment

Leave a Reply

Your email address will not be published.


*