Ka ttap

Nai cacawn ninga Ni ah sianginn ah ca cawng liomi siangnakchia minung 200 hrawng cu Min Aung Hliang hruaimi ralhrang nih an i uan cemmi Russia ser helicopter Mi-35 in suimilam pakhat chung hrawng an kah hna.

Cu hnu ah kee ralkap nih an luh hnawh hna i an kah ve tthan hna.

Ngakchia a thimi hi an dihlak ah 11 an si i tampi hliam an tuar. A thimi ngakchia hna an keden fa tete, an cauk le pen tete thisen nih a zual dih hna i an ruak hmanh char awk ttha loin cheuhmal dihlak an kahmi hna hmuh cu lungthin nih a celh bak lo.

A thimi hna lak pakhat a simi kum 7 pate tuanbia an chimmi ko nih lungthin a kehkhuai khun. A kee le a tai ah meithal kuan nih a khen i a thi colh lo; a fah a celh lo i lungsivaang in a um lio ah hringtu nu a va phan i “ka fa, na nu ka rak phan cang hih; pasal ti law, sizung ah kan kalpi lai na dam lai mu..” tiah a hun ti.

Nain a fa pate nih a celh lo tuk bu in, hringtu a nu cu a hun zoh i “ka nu, a fah ka tuar kho ti bak lo; zaangfah tein hun ka that ko sawh mu..” tiah a ti bu in a nunnnak a liam riahmah..

Kan fanu le fapa hun siter chun ah celh a si lo, hringtu a nu le pa tuarmi i tuarter chun ah celh a si lo.

Dothlennak hang hi a rak khaa hringhran. Mitthli le thisen zeizat dah a herh rih lai?

Bawipa, teinak kan pe ko cang law…Crd_Hram Bik Lian

 

Khamhnak Thawngṭha Biaceih zung nih thihdan an pek cangmi hna an thihni a hngak mi hna thongin cungah mi tampi an um. An nih cu an nungko, an cawlcang ko, rawl zong an ei ko nain a thimi bantuk an si ko, an caah nunnak hi ruahchan awk a um ti lo.

Cubantuk cu thlarau a tlaumi hna sining a si ve. Jesuh Khrih a zum rih lomi hna, Khrih he hawikomhnak a ngei rih lomi cu anung nain a thlarau a tlaumi an si, sihmanhsehlaw an nih cu ruahchannak a um rih. Zeicatiah Bawi Jesuh nih a khamh khawh hna thinlung takin a fuhmi hna cu, cucu thawngṭha cu a si. Crd.“Zeicahtiah Mi Fapa cu a tlaumi kawl awk le khamh awkah a ra,” tiah a ti. (Luke 19:10).Mah Azi

Be the first to comment

Leave a Reply

Your email address will not be published.


*