Kawlram phaisa thlen a kai dan cu zingzan bakin a kai cuahmah ko.Thil man zong rocket bang a kai a rang taktak. Tuzing ah kan company in instant food kan caw lai kan ti i, Dollar thlen ruangah ah a man (rate) an kan chim kho lo i kan caw kho lo.
Venezuela bang kan hluan cuahmah. tuzarh ah Dollar 1 USD ah 5,000 MMK a phan kho ti a si.
24$ – 100,000 MMK hihi ramri rate a si an kan ti hoi cang. Kan ram a mui ziahmah cang ee, khua a ceu lai ah, khua a muih ning a fak an ti. Ceu hram cang seh kan ram.Crd-Cung Bawi
Minung Le Kan Sining1. Midang sinin ka theihmi bia ka zumhmi le thil sining tak tak hi aa dan caan a tam tuk. A palhmi kha palh ka phaw lo i a palh lomi kha palh ka phawt tawn. Cu nih a langhtermi cu theihmi bia paoh hi a dik thlu lem lo ti hi a si.
2. Minung hi tam deuh in rak i hngal hna u sih law aa huami le aa zohchukmi kan tlawm deuh lai. Zeicatiah kan sining cio i hngalh piak ahcun dawtnak a rak herhmi lawngte kan si ko hna. A langtlang kan i cuanhnak in mi kan tumhtah ruangah i chonhbiak hlan hmanh in mi kan rem tawn lo.
3. Ka nun lam thluan ahhin duh ka nun lonak a tam, kai palhnak a tam, mi huat ka tlaihnak a tam, cun bia kai sum lo caan a tam. Cu nih a langhtermi cu ngaihthiamnak timi hi keimah ca lawng siloin midang ca zongah a rak si ve ti hi a si.
4. Dawtnak cu ci bantuk a si i vorh tikah a kheo tawn. Asinain vorhnak hmun paoh ah a kheo lo. Cu nih a langhter mi cu kan dawtmi hna paoh nih a kan daw ve lai tinak a si lo. Cucaah a kheohnak hmun ah vorh ahhin dawtnak cu hmual a ngei deuh. (mi harsa bawmhnak kong chim duhmi a si lo)
5. Keimah le keimah ka sining ahhin remh ding thil a tam, i thlen ding nun zia a tam. Cu tikah midang lung ka tlin lo le midang sinin kong ceih ka ton hi khuaruahhar le thin hun awk a si lo. Nun ziaza cawn tu ahkhan kaa thinlung a um awk a si ko.Crd- nunu
Leave a Reply