Ka sunsak tuk mi kan thuam

Kan thilthuam kongah ruahning ai dang cio. Kan sunsak tuk cio, a si nain kan sunsak dan ai dang cio. Hlan Malaysia ka rak um lio ah Baible cauk a paw an tuahmi khi ka rak uar ngai caah ka rak i cawk ve. Cun pa caah laizal te mu nain atu ka ruahmi cu angki, hni le puan pinah zeidah miphun thluamthil in tuah le serh chuah kan hau tihi ka tuak.Atu ahcun Phanah hman a chuak cang hih!

Kan sunsak dan a luan deuh lo maw tihi keimah ruahning a si. Laithil theng loin denh ding phanah le dangdang a tawr lioah miphun thuam cu phun/pakhat khat long kan ngei si kaw. Phanah long hlah wedding dress tiang kan tuah hi. Mirang bantuk in leh thahnak ngei duh ahcun mirang thluam i lak ko ding, kan nunphung in ti ahcun kan thilthluam i hruk ding a si ko tiah ka ruah.

Pipu nih roh takmi thil puan nakin sunsak deuh ding thil puan ka ngei lo. Kai hrukmi hnipuan, angki kai cawk khawh lio ka lunglawmh mi nakin zei hnipuan hman i cawk khawh ning law ka lung a ka lawmh ter deuhtu an um lai ka zum lo. Minung nih rel khawhmi phaisa nih a cawk khawh lomi man fak pipu roh takmi kan thilthuam a si.

Ka hni: Hakha kapi nih a tahter mi hna hni a si.Ka Puan : Kan khua mino nih laksawng pekmi Ka angki: kum 13-14 hrawng ka si lio Malaysia rian ka ttuannak thlahlawh tein ka hni le ka puan pakhat he ka rak i cawkmi a si.Crd-NPH

Be the first to comment

Leave a Reply

Your email address will not be published.


*