Ka ruahnak men sinaain, kan caa cio ah santlai hnga maw tiah a sautuk tiloin rellaw Na ruahnak zalongten ka chim ve.

Ka ruahnak men sinaain, kan caa cio ah santlai hnga maw tiah a sautuk tiloin rellaw Na ruahnak zalongten ka chim ve.

Kum 2020 kum thok kaa in a hlan bantuk in China kan khuacaan a tha kho tiloh. A hlan zong ah tlaih le khih cu a um ko. Sinaain, tubantuk emem in a chiakha loh. Tucu tlun duh hman ah Kawlram ah kan lut kho tiloh. Phihkhar kan sidih i ramri ah Police sinah i pek hrimhrim hau mi dirhmun kan phan.

Culak ah Inn ah luhhnawh i tlaihmi zong kan tam chin, an tlaihmi sin poh ah Nan hawi le nih an in report hna ti le nan hawi le sinin nan Address kan ngei tibantuk lawngte an sidih. Zahan cu mihrut khuaruah in thil silo pipi ka ruat. Kan mah le kan mah hi hiti i report hi a umcawk lai hrim ka zum loh.

Micheu cu vanchiat ah hawi le tlaih a tong misin in chim timhlo mi chim sualnak zong in thilcu cang kho mi zong cu a um ve ko lai. Culak ah Kei le bang cu ka Hawi le tlaih a tongmi ka block bal hna loh. Zahan i an tlaihmi ka hawi nu zong kan i chawnh cuahmah lio ah Police an ra a ka tiih kan ngol. Station an phak hnu tiang ah Thawng kan i hal i kan i chawn ko. A hlan zong ah Ka hawinu Dongguan Gate ah an tlaih kan i chawn Station ah ka phan cang a ti cutin Station an um tiang i ka chawnhmi hawikom an um len. Pathian thawngin nihin tiang cu ka him. Hmailei kong bel ka chim kho loh mu.

Police pawl ka zumhlonak.Nan hawi le sinin Nan Address kan theih nan hawi le nih an i report hna tipeng a simi hi kei cu ka zum kho tihna loh.

Gate congtu Security Pawl hi keicu ka zum hna loh. Micheu cu sikan kan ngeilo, security pawl khi ngamhtuk in chawnhbiak kan hmang. Covid hnu hrimhrim cun Bazar kan kai i herhpoi i leng kan chuah hnu kan lawi than tik ah Gate ah khawika block um mi dah na si？Dot zeizatnak ah titiang mi a hal ih kan umnak Address le kan min a thei hmasat cemtu cu Security an si. Cheukhat ahcun kan min va tial ih Sign hnu lawng ah mi an luhter.

Cu caah Security pawl zong hi zumh an umlo caah ngamhtuk in le ramdang mi kan sinak theihter tuklo kha a biapi in ka ruah. Security hi ka zomhtaih le zei ka rello siloin kan umnak hmun le hma nih a peklo caah le kan himnak ding caah tiah Security pawl hmai hrim ah Sinum kan si timi lungput ngeihlo in, zeiti maw pikhin i umter leh an duhpoh ih chawnh le capoh ngammi silo ding in kan um hnawh hna hrim a herh ko rua.

Cun Passport he Health Code a tuahmi pawl zong khi ralrin tluk tu a um loh. Passport in Healhcode kan tuah i kan duhnak hmun poh ah kan Scan duahmah ih kan lut. Khikhi kan va Scan nak ah ID langlo in kan Passport a langhtik ah ramdang mi kan sinak kha fawituk in a lang. Cu caah Healthcode a herhnak hmun ahcun kan caah a herhtuk le thih-hri hna tiko loahcun Passport in kan tuahmi Healthcode khi Scan tuahlo le hrial khawh i zuam ahcun Inn chung bak i i luhhnawh le i tlaih hi a tlawm deuh sutlai tiah ka ruah ko.

Chinese pawl zertian cu kei hnak in nan theih tuk cio. A donghnak ah Chinese Ayii he Inn khat ah a ummi ko hi i ralrin bak kan hau. Inntek in na luh hlan ah Chinese ayii a ngeimi Sinum 2 siding nan si ahcun hrial ngam phot ko uh. An lung nan tonlo sual hna le I siknak hna a chuah sual cun an caah nanmah report cu a fawituk. Phaisa a hmuh pin ah Police nihcun nan Inn ngeitu le nan mah theih ahcun nan Ayiii nih an in report hna ticu an chim ding hrimhrim silo caah Nan cung ahcun tha ngai phun i lawhter in nan hnu in Police sin an phakter tuhna kha nan pawng ih Chinese Ayiii zong an sikhawh caah A leng ah kan Inn pawngkam Chinese Ayiii he hrimhrim zong in i komh lo le Ramdang mi kan sinak a sikhawh chung in i thuh a hau.

Taktak locun kawlram mi le kawlram mi i report timi hi a fawiloh. A reporttu zong bia an hal len laii a mah zong tlaih a tong chih kho. Police kut a phang cangmi nan hawi le sinin Thil cang sualmi kongcu ka chim lomuh.

Cucaah Na hawikom le na Miphun hawi na rammi hmanh na zumh ngamlo ahcun, Miphundang hmanh ah Rul bangih a zermi Chinese pawl hi Lunghrinh hna thiam hmasat in anlak ah i ralring hmasat hna usih law Kum 2 kan him dingmi kha kum 3 deuh tal an kan nguh deuh sual hnga maw tibia.

Jenny Tial Rem Mawi Cu Chinese Ayiii he an i rem khawhlo caah a hrial bak in a hrial ih a huattuk hna tiah ka bia ka donghter. Crd-Van Bawi Zi Hlawnceu